પાકિસ્તાનના ગિલગિટ-બાલ્ટિસ્તાન ક્ષેત્રમાં એક પેસેન્જર બસ પર આતંકવાદીઓએ કર્યો ગોળીબાર, 10 લોકોના મોત

આતંકવાદીઓએ પાકિસ્તાનના ગિલગિટ-બાલ્ટિસ્તાન ક્ષેત્રમાં કારાકોરમ હાઇવે પર એક પેસેન્જર બસ પર ગોળીબાર કર્યો, જેમાં ઓછામાં ઓછા 10 લોકો માર્યા ગયા અને 25 અન્ય ઘાયલ થયા. એક પ્રેસ કોન્ફરન્સને સંબોધતા દિયામેરના ડેપ્યુટી કમિશનર આરિફ અહેમદે જણાવ્યું હતું કે આ ઘટના શનિવારે સાંજે 6:30 વાગ્યે ચિલાસના હુદુર વિસ્તારમાં બની હતી, જ્યારે આતંકવાદીઓએ બસ પર અંધાધૂંધ ગોળીબાર શરૂ કર્યો હતો, જેના કારણે ડ્રાઇવરે નિયંત્રણ ગુમાવ્યું હતું અને બસ સામેથી બસ આવી તે એક ટ્રક સાથે અથડાઈ.

પાકિસ્તાની અધિકારીએ જણાવ્યું હતું કે હુમલામાં માર્યા ગયેલા મોટાભાગના મુસાફરો દેશભરના હતા, જેમાં કોહિસ્તાન, પેશાવર, ઘીઝર, ચિલાસ, રાઉન્ડુ, સ્કર્દુ, માનસેહરા, સ્વાબી અને સિંધના એક કે બેનો સમાવેશ થાય છે. દિયામેરના ડેપ્યુટી કમિશનરે જણાવ્યું કે હુમલામાં માર્યા ગયેલા લોકોમાં બે સૈનિકો પણ સામેલ છે. તેમણે કહ્યું કે સ્પેશિયલ પ્રોટેક્શન યુનિટનો એક સભ્ય પણ ઘાયલ થયો છે.