Connect Gujarat
ગુજરાત

આજથી ત્રણ વર્ષ પહેલા 500 અને 1,000ના દરની જુની ચલણી નોટો થઇ હતી રદ

આજથી ત્રણ વર્ષ પહેલા 500 અને 1,000ના દરની જુની ચલણી નોટો થઇ હતી રદ
X

સત્તામાં આવ્યા બાદ મોદી સરકારે 2016ના વર્ષમાં 8 નવેમ્બરની રાત્રે 12 વાગ્યે કરેલ નોટબંધીના ફેંસલાને આજે ત્રણ વર્ષ પુર્ણ થયા છે ત્યારે આ નિર્ણયની ત્રણ વર્ષના અરસામાં શું અસર થઈ અને કેવા પરિણામો આવ્યા જુઓ આ વિશેષ અહેવાલ માં...

આજથી બરાબર ત્રણ વર્ષ પહેલાં, 8 નવેમ્બર, 2016 ના રોજ, રાત્રે 8 વાગ્યે વડા પ્રધાન નરેન્દ્ર મોદીએ અચાનક 500 અને 1000 ની નોટો બંધ કરવાની ઘોષણા કરી હતી. મોદી સરકારે નોટબંધી કરી કાળા નાણાને દૂર કરવા, ચલણમાં નકલી ચલણ દૂર કરવા, આતંકવાદને ડામવા સહિત કેશલેસ અર્થવ્યવસ્થાને પ્રોત્સાહિત કરવા અને નક્સલવાદી પ્રવૃત્તિઓને રોકવાના ઉદ્દેશ્ય સહિતના અનેક કારણો ટાંક્યા હતા.પરંતુ નોટબંધી પછી, ધીમે ધીમે તેનાથી સંબંધિત સંખ્યાબંધ આંકડા દેખાવા લાગ્યા. આ જોઈને, એમ કહી શકાય કે જે હેતુથી નોટબંધી લાગુ કરવામાં આવી હતી તે પરિપૂર્ણ થઈ નથી. સરકારની દલીલ છે કે નોટબંધી પછી કરવેરાની વસૂલાત વધતી ગઈ અને કાળા નાણાની વિગતો બહાર આવી. પરંતુ આ સાથે સંબંધિત કોઈ ડેટા ત્રણ વર્ષ પછી પણ બહાર આવ્યા નથી. આરબીઆઈના આંકડા કહે છે કે નોટબંધી દરમિયાન બંધ થયેલી 500 અને 1000 ની જૂની નોટોમાં 99.30 ટકા બેંકમાં પરત આવી હતી. ત્યારે સવાલ એ કે જ્યારે તમામ પૈસા બેંકોમાં પરત કરવામાં આવ્યા તો પછી સરકાર કાળા નાણાં કબજે કરવામાં કેવી રીતે સફળ રહી?

બીજી તરફ, નોટબંધી પછી, બનાવટી ચલણનો મુદ્દો પણ વધ્યો, રિઝર્વ બેંકના આંકડા મુજબ, જ્યાં નાણાકીય વર્ષ 2016-17માં બે હજારની 638 બનાવટી ચલણ પકડાઇ હતી,ત્યાં જ 2017-18માં તેની સંખ્યા વધીને 17,938 થઈ ગઈ.નોટબંધી બાદ જીડીપીને પણ આંચકો લાગ્યો, જેનાથી દેશ હજુ સુધી સુધરી શક્યો નથી. નોટબંધીની ઘોષણા પછીના પ્રથમ ક્વાર્ટરમાં જીડીપી વૃદ્ધિ દર ઘટીને 6.૧ ટકા પર આવી ગયો હતો. જ્યારે કે તે જ સમયે 2015 માં વૃદ્ધિ દર 7.9 ટકા હતો. વર્તમાન સમયમાં જીડીપી વૃદ્ધિ દર 5 ટકા પર આવી ગયો છે, જે છેલ્લા છ વર્ષમાં સૌથી નીચેનો આંકડો છે. આવી સ્થિતિમાં, મોદી સરકાર માટે નોટબંધીની નિષ્ફળતાથી છુટકારો મેળવવો સરળ નથી.ખરેખર દેશમાં લોકો નોટબંધીથી થયેલ સમસ્યાને ભૂલી શક્ય નથી. નોટબંધીની સૌથી મોટી અસર ઉદ્યોગો પર પડી જે મોટે ભાગે રોકડમાં હોય છે. મોટાભાગે નાના ઉદ્યોગો આમાં સામેલ છે. નોટબંધી દરમિયાન, આ ઉદ્યોગો માટે રોકડની અછત થઈ ગઈ હતી. જેને કારણે નાના ઉદ્યોગો ઠપ્પ થઈ ગયા.નોટબંધીના કારણે દેશનું 86 ટકા ચલણ એક જ ઝટકામાં ચલણમાંથી બહાર થઈ ગયું હતું. જેથી હજાર-પાંચસોની નોટો બદલવા આખો દેશ બેંકોની બહાર લાઇનોમાં ઉભો હતો.

નોટબંધીના ત્રણ વર્ષ બાદ પણ રોજગાર વૃધ્ધિ દર ઘટ્યો, જીડીપી વૃદ્ધિ દર ઘટ્યો, નાના ઉદ્યોગો ઠપ્પ થયા, બેન્ક અને એટીએમ બહાર ઊભા રહેલા નાગરિકોએ પારાવાર મુશ્કેલીઓ વેઠી, લાઇનમાં ઊભા રહી કેટલાય લોકોએ જીવ ગુમાવ્યો, બેરોજગારી છેલ્લા 45 વર્ષની સૌથી વધારે થઈ. નોટબંધી ખરેખર જે કારણસર

કરવામાં આવી તે કારણોનો અંત આવ્યો કે નહીં એ એક સવાલ જ રહી ગયો છે?

Next Story
Share it