અંકલેશ્વરમાં કરવામાં આવી ઉજવણી
કારતક સુદ છઠ્ઠના પર્વની ઉજવણી
ઉત્તરભારતીય સમાજ દ્વારા ઉજવણી કરવામાં આવે છે
આથમતા સૂર્યને અર્પણ કરવામાં આવ્યો અર્ઘ્ય
મોટી સંખ્યામાં લોકો જોડાયા
અંકલેશ્વરમાં વસતા ઉત્તર ભારતીય સમાજના લોકોએ છઠ્ઠ પૂજાની ઉજવણી કરી હતી.મહિલાઓએ જળાશયો-કેનાલ અને કુંડ પર પહોંચી આથમતા સૂર્યને અર્ઘય અર્પણ કર્યો હતો.આ પ્રસંગે મંત્રી ઇશ્વરસિંહ પટેલ સહિતના આગેવાનો જોડાયા હતા.
ઔધોગિક દ્રષ્ટિએ વિકાસની હરણફાળ ભરી રહેલાં અંકલેશ્વરમાં જિલ્લામાં દેશના જુદા-જુદા પ્રાંતથી આવેલાં હજારો લોકો સ્થાયી થયા છે. રોજગાર માટે અંકલેશ્વરને કર્મભૂમિ બનાવનારા ઉત્તર ભારતીય પરિવારો તેમના પ્રાંતના પરંપરાગત તહેવારોની રંગેચંગે ઉજવણી કરતાં હોવાથી અંકલેશ્વરમાં સાચા અર્થમાં વિવિધતામાં એકતા જોવા મળે છે.અંકલેશ્વરમાં જિલ્લામાં દિવાળી પર્વની ઉજવણી બાદ હવે છઠ પૂજાનો માહોલ જોવા મળી રહ્યો છે. ઉત્તર ભારતમાં કારતક સુદ છઠ્ઠના રોજ છઠ્ઠ પૂજાની ઉજવણી કરવામાં આવે છે.માન્યતા અનુસાર છઠ્ઠનો તહેવાર દ્રૌપદી સાથે પણ જોડાયેલો છે.તો એવી પણ પ્રચલિત કથા છે કે જ્યારે ભગવાન શ્રી રામે લંકાપતિ રાવણને યુદ્ધમાં હરાવ્યા હતા ત્યારે રામરાજ્યના દિવસે માતા સીતા અને ભગવાન શ્રી રામે કારતક છઠ્ઠનું વ્રત કર્યું હતું અને સૂર્યદેવની પૂજા-અર્ચના કરી હતી. સપ્તમીના દિવસે સૂર્યોદય સમયે ફરી પૂજા-આરાધના કરીને સૂર્ય ભગવાનના આશીર્વાદ મેળવ્યા હતા.જેથી છઠ્ઠ પૂજાની ઉજવણી કરવામાં આવે છે.અંકલેશ્વરમાં વસતા ઉત્તર ભારતીય સમાજ દ્વારા છઠ પૂજાનું સાંજનો અર્ઘ્ય આપવામાં આવ્યો હતો જયારે આવતીકાલે ઉગતા સૂર્યને અર્ઘ્ય આપવામાં આવશે આ પછી વ્રતના પારણાં કરવામાં આવશે. મહિલાઓએ વિવિધ કુંડ-જળાશય અને કેનાલ પર પહોંચી ઉત્સવની ઉજવણી કરી હતી.આ પ્રસંગે મંત્રી ઇશ્વરસિંહ પટેલ,અશોક ઝા સહિતના આગેવાનો ઉપસ્થિત રહ્યા હતા
