સુરત મનપાના ફૂડ વિભાગે આળસ ખંખેરી
ફરસાણની દુકાનોમાં કરવામાં આવ્યું સરપ્રાઈઝ ચેકીંગ
ફૂડ વિભાગની કાર્યવાહીથી વેપારીઓમાં ફફડાટ
ફાફડા જલેબીના સેમ્પલ લઈને પૃથક્કરણ માટે મોકલ્યા
ભેળસેળ જણાશે તો વેપારી સામે થશે કાર્યવાહી
સુરત મહાનગરપાલિકાના આરોગ્ય વિભાગ દ્વારા ફરસાણની દુકાનોમાં ઓચિંતું ચેકીંગ હાથ ધરવામાં આવતા વેપારીઓમાં ફફડાટ વ્યાપી ગયો હતો.
સુરતમાં તહેવારોના સમયે મહાનગરપાલિકાની આરોગ્ય વિભાગની ટીમે આળસ ખંખેરી છે,અને ફરસાણની દુકાનોમાં સરપ્રાઈઝ ચેકિંગ શરૂ કર્યું હતું,આરોગ્ય વિભાગની કામગીરીને પગલે વેપારી આલમમાં ફફડાટ વ્યાપી ગયો હતો,આરોગ્ય વિભાગની ટીમ દ્વારા ફરસાણની દુકાનોમાંથી ફાફડા અને જલેબીના નમૂના લઈને પૃથક્કરણ માટે મોકલી આપ્યા હતા,જો કોઈ વેપારીના ફરસાણમાં ભેળસેળ કે અખાદ્ય વસ્તુઓનું પ્રમાણ જણાશે તો તેવા વેપારી સામે કાર્યવાહી પણ કરવામાં આવશે. જાણવા મળ્યા મુજબ દશેરા પર્વમાં સુરતીલાલા કરોડોના ફાફડા જલેબી આરોગતા હોય છે,ત્યારે સ્વાદ શોખીનોને ગુણવત્તા યુક્ત ફરસાણ મળી રહે તે માટે આરોગ્ય વિભાગે કમર કસી છે.
