અંકલેશ્વર: ગોરજ ટાણે ગીત મધુરા સુગમ સંગીતનો કાર્યક્રમ યોજાયો

અંકલેશ્વરના એફ.ડી.ડી.આઈ. ઓડિટોરિયમ ખાતે સંગીતમય કાર્યક્રમનું આયોજન કરવામાં આવ્યું હતું

અંકલેશ્વર જીઆઇડીસીમાં ESIC હોસ્પિટલની બાજુમાં આવેલ એફ.ડી.ડી.આઇ.ઓડિટોરિયમ ખાતે ગોરજ ટાણે ગીત મધુરા ગુજરાતી સુગમ સંગીતની પ્રચલિત રચનાઓના  કાર્યક્રમનું આયોજન કરવામાં આવ્યું હતું જેમાં જાણીતા સંગીતકાર અનુપ જૈન, સેજલ સોની અને તેમના વૃંદ દ્વારા પ્રચલિત રચનાઓની રમઝટ બોલાવી હતી. સમગ્ર કાર્યક્રમનું સંચાલન ભદ્રેશ પટેલ દ્વારા કરવામાં આવ્યું હતું તો સંગીત સહાયક તરીકે મહેશ નિઝામા ભુપેન્દ્ર સોલંકી અને જનક શેઠ ઉપસ્થિત રહ્યા હતા. આ કાર્યક્રમને સંગીતપ્રેમી જનતાએ માણ્યો હતો