DC vs PBKS : પંજાબ કિંગ્સે દિલ્હીને 31 રને હરાવ્યું, પ્લેઓફની રેસમાંથી બહાર થનારી દિલ્હીની પ્રથમ ટીમ..!

પંજાબ કિંગ્સ સામે દિલ્હી કેપિટલ્સને કારમી હારનો સામનો કરવો પડ્યો હતો. પંજાબે તેને 31 રને હરાવીને તેની પ્લેઓફની આશા જીવંત રાખી છે. બીજી તરફ, દિલ્હી કેપિટલ્સ ટીમ પ્લેઓફની રેસમાંથી બહાર થનારી પ્રથમ ટીમ બની છે. તેના 12 મેચમાં આઠ પોઈન્ટ છે. જો તે તેની બાકીની બે મેચ જીતી જાય તો પણ તેના માત્ર 12 પોઈન્ટ જ રહેશે. આવી સ્થિતિમાં તે આગામી રાઉન્ડમાં પહોંચી શકશે નહીં. બીજી તરફ પંજાબે આ જીત સાથે પોઈન્ટ ટેબલમાં છલાંગ લગાવી દીધી છે. તેને 12 પોઈન્ટ મળ્યા છે અને તે છઠ્ઠા સ્થાને પહોંચી ગયો છે.

Advertisment

દિલ્હી કેપિટલ્સના કેપ્ટન ડેવિડ વોર્નરે ટોસ જીતીને બોલિંગ કરવાનો નિર્ણય લીધો હતો. પંજાબે 20 ઓવરમાં 7 વિકેટે 167 રન બનાવ્યા હતા. જવાબમાં દિલ્હીની ટીમ 20 ઓવરમાં 8 વિકેટે 136 રન જ બનાવી શકી હતી. આ મેચમાં દિલ્હીના બેટ્સમેનોએ શરમજનક પ્રદર્શન કર્યું હતું. નબળી બેટિંગના કારણે જ ટીમને હારનો સામનો કરવો પડ્યો હતો. દિલ્હી માટે માત્ર ડેવિડ વોર્નર જ ટકી શક્યો. તેણે 200ના સ્ટ્રાઈક રેટથી 27 બોલમાં 54 રન બનાવ્યા. વોર્નરે 10 ચોગ્ગા ફટકાર્યા હતા. તેના બેટમાંથી એક સિક્સર પણ નીકળી હતી, પરંતુ તે ટીમને જીતાડી શક્યો નહોતો.