MI vs PBKS : પંજાબ કિંગ્સે રોમાંચક મેચમાં મુંબઈ ઈન્ડિયન્સને 13 રને હરાવ્યું,

પંજાબ કિંગ્સે રોમાંચક મેચમાં મુંબઈ ઈન્ડિયન્સને 13 રને હરાવ્યું હતું. પંજાબે પ્રથમ બેટિંગ કરતા 214 રન બનાવ્યા હતા. જવાબમાં મુંબઈના ખેલાડીઓ 20 ઓવરમાં 201 રન જ બનાવી શક્યા હતા. અર્શદીપ સિંહે છેલ્લી ઓવરમાં માત્ર 2 રન આપીને 2 વિકેટ લીધી હતી. મુંબઈ તરફથી સૂર્યકુમાર યાદવે 57 રન બનાવ્યા હતા. કેમરૂન ગ્રીને 67 રનની ઇનિંગ રમી હતી. ટિમ ડેવિડે અણનમ 25 રન બનાવ્યા હતા. જોકે આ તમામ ઇનિંગ્સ ટીમને જીત અપાવી શકી નહોતી. પંજાબ તરફથી અર્શદીપે કુલ 4 વિકેટ ઝડપી હતી.

પ્રથમ બેટિંગ કરતા પંજાબ કિંગ્સની ટીમ 20 ઓવરમાં 8 વિકેટ ગુમાવીને 214 રન બનાવ્યા હતા. ટીમ માટે કેપ્ટન સેમ કરને 55 જ્યારે હરપ્રીત સિંહ ભાટિયાએ શાનદાર 41 રન બનાવ્યા હતા. મુંબઈ તરફથી પિયુષ ચાવલાએ બોલિંગમાં 2 વિકેટ લીધી હતી. પંજાબની ટીમે આ મેચમાં છેલ્લી 6 ઓવરમાં કુલ 109 રન બનાવ્યા હતા.