વિશ્વના સૌથી વ્યસ્ત ન્યૂયૉર્કના જે.એફ. કૅનેડી ઍરપોર્ટ પર ભવ્ય મંદિર બનશે. જેએફકે ઓથોરિટીએ આ માટે મંજૂરી આપી દીધી છે. જેએફકે બોર્ડ વતીથી પણ ટૂંક સમયમાં પરવાનગી મળવાની શક્યતા છે. ન્યૂયૉર્ક ઇસ્કોન, સેવા ઇન્ટરનેશનલ સહિત લગભગ 100થી વધુ સંગઠનોએ આ માટે ઓનલાઇન પિટિશન અભિયાન પણ શરૂ કર્યું છે. અમેરિકાના ન્યૂયૉર્ક, ન્યૂજર્સી, પેન્સિલ્વેનિયા, કનેક્ટિકટ, રોડ આઇલૅન્ડ સહિત 5 અન્ય ઉત્તર પૂર્વીય રાજ્યોથી લગભગ 1 લાખથી વધુ લોકોએ મંદિરનિર્માણ માટે હસ્તાક્ષર અભિયાન શરૂ કર્યું હતું. મંદિર દોઢ વર્ષમાં તૈયાર થઈ જશે. જેએફકે ઍરપોર્ટ પર રોજ લગભગ 2500 વિમાનનું આવાગમન થતું હોય છે અને વાર્ષિક 6 કરોડ યાત્રી અહીં આવે છે.
જેએફકે ઍરપોર્ટના ઇન્ટરનેશનલ ટર્મિનલ પર વર્તમાન ઇન્ટરફેથ એલીવાળા સ્થળે મંદિર બનાવાશે. મંદિરનિર્માણથી માંડીને તેના દૈનિક સંચાલનની જવાબદારી ઇસ્કોન ઇન્ટરનેશનલ અને ઍરપોર્ટના હિન્દુ કર્મચારી કરશે. મંદિર નિર્માણ પછી હિન્દુ ધર્મ વિશે સમજાવવામાં વધુ સહાયરૂપ બનશે.
