રાજ્યમાં છેલ્લા 24 કલાકમાં રેકોર્ડ બ્રેક 1026 નવા કેસ નોંધાયા,34 દર્દીના મોત,કુલ કેસની સંખ્યા 50 હજારને પાર

ગુજરાત રાજ્યમાં કોરોના વાયરસનો કહેર યથાવત છે. રાજ્યમાં છેલ્લા 24 કલાકમાં કોરોનાના અત્યાર સુધીના સૌથી વધુ રેકોર્ડ બ્રેક 1026 નવા પોઝીટીવ કેસ નોંધાયા છે. આ સાથે રાજ્યમાંમાં કુલ પોઝિટિવ કેસનો આંકડો 50 હજારને પાર પહોંચ્યો છે. રાજ્યમાં વધુ 34 લોકોના મોત થયા છે. રાજ્યમાં 744 દર્દીઓને સારવાર આપ્યા બાદ ડિસ્ચાર્જ કરવામાં આવ્યા છે. રાજ્યમાં અત્યાર સુધી 36403 ડિસ્ચાર્જ કરવામાં આવ્યા છે. રાજ્યમાં કુલ સંક્રમિત દર્દીઓની સંખ્યા 50465 પર પહોંચી છે.

આજે 1026 નવા નોંધાયેલ કેસ પૈકી સુરતમાં 298, અમદાવાદમાં- 199 , વડોદરામાં-75 , રાજકોટ 58, દાહોદ 39, ભાવનગર – 38, બનાસકાંઠા 25, સુરેન્દ્રનગર 21, પાટણ 20, ગાંધીનગર 31,નર્મદા 19, ગીર સોમનાથ 18, મહેસાણા 18, નવસારી 17, પંચમહાલ 17, ભરૂચ 16, જામનગર – 20 , ખેડા 14, વલસાડ 13, કચ્છ 9, આણંદ 8, બોટાદ 8, અમરેલી 7, જૂનાગઢ 12 , મહીસાગર 6, મોરબી 6, સાબરકાંઠા 5, તાપી 4, પોરબંદર 2, અરવલ્લી 1, ડાંગ 1 અને દેવભૂમિ દ્વારકામાં એક કેસ સામે આવ્યો છે.

રાજ્યમાં છેલ્લા 24 કલાકમાં વધુ 34 દર્દીઓના કોવિડ-19ના કારણે મોત નિપજ્યું છે. જેમાં સુરતમાં 21, અમદાવાદ - 6 , વડોદરા 2, ભાવનગર 1, ગીર સોમનાથ 1, જામનગર 1, કચ્છ 1 અને પાટણમાં 1 મોત થયું છે. રાજ્યમાં મૃત્યુઆંક 2201 પર પહોંચ્યો છે.

રાજ્યમાં હાલ 11861 એક્ટિવ કેસ છે, જેમાંથી 82 વેલ્ટીલેટર પર છે અને 11779 દર્દીઓ સ્ટેબલ છે, જ્યારે અત્યાર સુધી કુલ 36403 દર્દી સારવાર બાદ ડિસ્ચાર્જ થયા છે. ગુજરાતમાં અત્યાર સુધી કુલ 5,62, 682 ટેસ્ટ કરવામાં આવ્યા છે.