એલન મસ્ક આજકાલ ઘણી ચર્ચામાં રહે છે. થોડા દિવસો પહેલા જ તેમણે ટ્વિટર ખરીદ્યું હતું, જે વિશ્વની સૌથી મોટી સોશિયલ મીડિયા કંપનીમાં એક છે. ઈલોન મસ્ક ટ્વીટરને 44 બિલિયન ડોલરમાં ખરીદ્યું છે. જો કે એલોન મસ્કે તેના થોડા સમય પહેલા ટ્વિટરમાં 9% હિસ્સો ખરીદ્યો હતો. હવે એલોન મસ્કે Twitter Inc માં 100% હિસ્સો હસ્તગત કર્યો છે. ટ્વિટર ખરીદ્યા પછી, એલન મસ્કનું એક નવું ટ્વીટ ખૂબ વાયરલ થઈ રહ્યું છે, જેમાં તેણે સોફ્ટ ડ્રિંક કંપની કોકા કોલા ખરીદવાની વાત કરી છે.
ઈલોન મસ્કે 28 એપ્રિલ સવારે ટ્વિટર પર એક ટ્વીટ કર્યું હતું, જેને લઈને ઘણી ચર્ચા થઈ રહ્યો છે. મસ્કે ટ્વિટ કર્યું, ‘હવે હું કોકા-કોલા ખરીદીશ જેથી હું કોકેઈન ઉમેરી શકું.’ માત્ર અડધા કલાકમાં આ ટ્વીટને 7 લાખથી વધુ લાઈક્સ અને હજારો કોમેન્ટ્સ મળી ચુકી છે.કોકા કોલા એ ખૂબ જ લોકપ્રિય સોફ્ટ ડ્રિંક પ્રોડક્ટ છે. તે સમગ્ર વિશ્વમાં ખૂબ લોકપ્રિય પીણું છે. પરંતુ અમે તમને જણાવી દઈએ કે, આજે લોકો જે કોકા કોલા અત્યારે ખૂબ જ ઉત્સાહથી પીવે છે તે વાસ્તવમાં કોકાના પાંદડા માંથી બનાવેલું પીણું હતું. જે હળવો નશો પણ કરાવતું હતું. તેથી જ તેને કોકા-કોલા નામ મળ્યું. જો કે, 1906 પછી કંપનીએ કોકેઈન પાંદડામાંથી અલગ કરવાનું શરૂ કર્યું અને પછી તેનો પીણા તરીકે ઉપયોગ કર્યો.એલોન મસ્ક વિશ્વના સૌથી ધનિક લોકોમાં એક છે. તેઓ ટેસ્લા કંપનીના સીઈઓ છે. હવે તે ટ્વિટરના માલિક પણ છે. એલન મસ્ક SpaceX ના સ્થાપક પણ છે. મસ્કની તાકાત નો અંદાજ એ વાત પરથી લગાવી શકાય છે કે ટાઇમ મેગેઝિને તેને પર્સન ઓફ ધ યર તરીકે પસંદ કર્યા છે. મસ્ક આખી દુનિયામાં અમેરિકન બિઝનેસમેન તરીકે જાણીતા છે.
