અંકલેશ્વર : સારંગપુર-મીરાનગરના ગોડાઉનમાંથી શંકાસ્પદ ભંગારના જથ્થા સાથે GIDC પોલીસે કરી ઇસમની ધરપકડ...

ભરૂચ જિલ્લા અંકલેશ્વર GIDC પોલીસે સારંગપુર વિસ્તારમાં આવેલ મીરાનગર સ્થિત પાકીઝા હોટલની પાછળના ગોડાઉનમાંથી શંકાસ્પદ SSના ભંગારના જથ્થા સાથે ભંગારીયાને ઝડપી કાયદેસરની કાર્યવાહી હાથ ધરી છે.

મળતી માહિતી અનુસાર, અંકલેશ્વર GIDC પોલીસ મથકનો સ્ટાફ પેટ્રોલીંગમાં હતો. તે દરમિયાન પોલીસ સ્ટાફને બાતમી મળી હતી કે, સારંગપુર વિસ્તારમાં આવેલ મીરાનગર સ્થિત પાકીઝા હોટલની પાછળના ગોડાઉનમાં રહેતો એક ઈસમે પોતાના ગોડાઉનમાં શંકાસ્પદ SSનો સામાન સંતાડી રાખ્યો છે. જેવી બાતમીના આધારે પોલીસે દરોડા પાડ્યા હતા. પોલીસે સ્થળ પરથી SSSનો 165 કિલો જથ્થો મળી કુલ 24 હજારથી વધુનો મુદ્દામાલ જપ્ત કરી ભંગારીયા ઈસમની શંકાસ્પદ હાલતમાં ધરપકડ કરી વધુ તપાસ હાથ ધરી છે.