ભરૂચ પાલિકાના અણઘડ વહીવટના કારણે કરોડો રૂપિયાનું વિજબીલ ના ભરાતા વીજ જોડાણ કપાતા અંધારપટ છવાયો

New Update
ભરૂચ પાલિકાના અણઘડ વહીવટના કારણે કરોડો રૂપિયાનું વિજબીલ ના ભરાતા વીજ જોડાણ કપાતા અંધારપટ છવાયો

ભરૂચ ભાજપનું 30 વર્ષના રાજમાં સામી લોકસભાની ચૂંટણીએ સ્થાનિક નેતાગીરી જ ધનોપનોત કાઢી રહી છે. ભરૂચ નગરની 2 લાખ જનતા પાલિકાના પાપે અને અણઘડ વહીવટના કારણે ટૂંકા ગાળામાં ત્રીજી વખત અંધારા ઉલેચવા મજબુર બની છે. સોમવારની રાતથી દક્ષિણ ગુજરાત વીજ કંપનીએ પાલિકાનું સાથે જ મુખ્ય માર્ગોનું વીજ જોડાણ કાપી નાખ્યું છે.

ભરૂચ પાલિકા શાસકોના અંધેર અને અણઘડ વહીવટને લીધે નગરજનોને પારાવાર મુશ્કેલીઓ પડી રહી છે. પાલિકાનું ઓફિસનું તથા સ્ટ્રીટ લાઈટનું કરોડોનું બિલ બાકી પડતા દક્ષિણ ગુજરાત વીજ કંપનીએ પાલિકાના શાસકોને વારંવાર બિલ ભરપાઈ કરવા માટે નોટીસ મોકલી હોવા છતાં પાલિકાએ બિલ ભરપાઈ નહીં કરતા નગરનું સ્ટ્રીટ લાઈટનું જોડાણ વીજ કંપનીએ કાપી નાખવાનું શરૂ કર્યું છે. આગામી દિવસોમાં જો બિલ ભરપાઈ નહિ કરાયું તો વોટર વર્ક્સના જોડાણો પણ કપાતા ભરૂચ શહેરની પ્રજાને ભર શિયાળે પાલિકા શાસકોના પાપે પાણી માટે પણ તરસવું પડશે. 

Read the Next Article

અંકલેશ્વર: ખરોડ ગામે યુવાનની હત્યા કરનાર આરોપીની ક્રાઇમ બ્રાન્ચે કરી ધરપકડ, અગાઉ થયેલ માથાકૂટની રીસ રાખી હત્યા કરાય

પોલીસને બાતમી મળી હતી કે હત્યાના ગુનામાં અક્કલકુવાનો શંકર મોવરીયા વસાવા નામનો ઈસમ સંડોવાયો છે જે અંકલેશ્વર તથા પાનોલી વિસ્તારમા છુટક મજુરી કરે છે.

New Update
khardod village murder
અંકલેશ્વરના ખરોડ ગામની સીમમાં આવેલ બાકરોલ વગામાં ખેતરના શેઢા ઉપર અજાણ્યા વ્યક્તિનો મૃતદેહ વિકૃત હાલતમાં મળી આવ્યો હતો.આ બાબતે પાનોલી પોલીસે ગુનો નોંધી મૃત્યુનું કારણ જાણવા તપાસ શરૂ કરી હતી. આ તરફ ક્રાઇમ બ્રાન્ચ પણ તપાસમાં જોડાય હતી દરમ્યામ પોલીસને બાતમી મળી હતી કે આ ગુનામાં અક્કલકુવાનો શંકર મોવરીયા વસાવા નામનો ઈસમ સંડોવાયો છે જે અંકલેશ્વર તથા પાનોલી વિસ્તારમા છુટક મજુરી કરે છે.
પોલીસે હ્યુમન ઇન્ટેલીજન્સના આધારે આરોપીની ખરોડ નજીકથી ધરપકડ કરી હતી. પોલીસની પૂછપરછમાં ચોંકાવનારો ખુલાસો થયો હતો. આ મામલામાં મરણ જનાર ઇસમે થોડા દિવસ અગાઉ મારમારી 1500 રૂપિયા લૂંટી લીધા હતા જેની રીસ રાખી આરોપી શંકર વસાવાએ મૃતકને શોધી તેને મજૂરી કામ અપાવવાના બહાને ખરોડ ગામની સીમમાં લઈ ગયો હતો અને ત્યાં પથ્થરના ઘા મારી હત્યા કર્યા બાદ તેના વતન ફરાર થઇ ગયો હતો.પોલીસે આરોપીની ધરપકડ કરી કાયદેસરની કાર્યવાહી હાથ ધરી છે.
Latest Stories