/connect-gujarat/media/post_banners/cdc0b20c92868ea1eea09195c2beb1fc9aeaa8d3383bf7183eb3e94c003f273e.webp)
ઘરેલુ એલપીજી સિલિન્ડર બાદ સરકારે કોમર્શિયલ ગેસ સિલિન્ડરની કિંમતમાં પણ ઘટાડો કર્યો છે. 19 કિલોના એલપીજી સિલિન્ડરની કિંમતમાં 158 રૂપિયાનો ઘટાડો કરવામાં આવ્યો છે. આ પછી દિલ્હીમાં આ સિલિન્ડરની કિંમત ઘટીને 1522 રૂપિયા થઈ ગઈ છે.
નવા દરો આજથી લાગુ થઈ ગયા છે. 19 કિલોના સિલિન્ડરની કિંમત હવે કોલકાતામાં 1636 રૂપિયા, મુંબઈમાં 1482 રૂપિયા અને ચેન્નાઈમાં 1695 રૂપિયા છે. ગયા મહિનાની પહેલી તારીખે પણ કોમર્શિયલ સિલિન્ડરની કિંમતમાં 100 રૂપિયાનો ઘટાડો કરવામાં આવ્યો હતો. તે પહેલા જુલાઈમાં તેની કિંમતમાં સાત રૂપિયાનો વધારો કરવામાં આવ્યો હતો. આ પહેલા સરકારે પણ રક્ષાબંધનના અવસર પર એલપીજી સિલિન્ડરની કિંમતમાં 200 રૂપિયાનો ઘટાડો કરવાની જાહેરાત કરી હતી. જેના કારણે દિલ્હીમાં ઘરેલુ ગેસ સિલિન્ડરની કિંમત 1103 રૂપિયાથી ઘટીને 903 રૂપિયા થઈ ગઈ છે. ઉજ્જવલા યોજનાના લાભાર્થીઓ માટે હવે સિલિન્ડરની કિંમત 703 રૂપિયા છે.