ડુંગળીના ભાવ વધતા ગૃહિણીઓનું બજેટ ખોરવાયું, ભાવ 70 રૂપિયે કિલોએ પહોંચ્યો

રાજ્યના મોટા ભાગનાં શહેરમાં ડુંગળીના ભાવમાં વધારો જોવા મળી રહ્યો છે.જેમાં ડુંગળીના ભાવ પ્રતિકિલો રૂ. 60-70 પર પહોંચ્યા હતા. માત્ર એક સપ્તાહમાં 35ની કિલો વેચાતી ડુંગળી હવે 70 એટલે કે ડબલ ભાવે વેચાઈ રહી છે. ડુંગળીના ભાવમાં વધારો થતાં ખેડૂતોને થોડી રાહત મળી છે. પણ ગરીબ-મધ્યમ વર્ગની ગૃહિણીઓનાં બજેટ ખોરવાયાં છે. જોકે મિશ્ર વાતાવરણના કારણે પાકને નુકસાન જતા આગામી સમયમાં પણ ભાવ વધારો આગળ વધવાની શક્યતા વેપારીઓ દ્વારા વ્યક્ત કરવામાં આવી રહી છે.