ભારતીય શેરબજારમાં જોવા મળી તેજી, સેન્સેક્સ 65700 ને પાર
મજબૂત વૈશ્વિક સંકેતોને કારણે સ્થાનિક બજારમાં તેજી જોવા મળી રહી છે. ગુરુવારે સતત ચોથા દિવસે શેરબજારમાં ખરીદી જોવા મળી રહી છે. બજારના મુખ્ય સૂચકાંકો લીલા નિશાનમાં ટ્રેડ થઈ રહ્યા છે. BSE સેન્સેક્સ 250 પોઈન્ટથી વધુની મજબૂતાઈ સાથે 65,700 ના સ્તર પર કારોબાર કરી રહ્યો છે.
આજે શેરબજારની શરૂઆતની વાત કરીએ તો BSEનો સેન્સેક્સ 289.21 પોઈન્ટ અથવા 0.44 ટકાના વધારા સાથે 65,722 પર ખુલ્યો હતો. આ સિવાય NSE નો નિફ્ટી 91.15 પોઈન્ટ અથવા 0.47 ટકા વધીને 19,535 ના સ્તર પર ખુલ્યો છે.
આઈટી શેર બજારની મજબૂતાઈમાં મોખરે છે. સેન્સેક્સમાં ટેક મહિન્દ્રા, વિપ્રો સહિતના ઇન્ફોસીસના શેરો ટોચના ગેનર છે. જ્યારે Jio Financial માં આજે પણ લોઅર સર્કિટ લગાવવામાં આવી છે, જેની કિંમત ઘટીને 215 રૂપિયા થઈ ગઈ છે.
આ પહેલા ભારતીય બજારો બુધવારે સતત ત્રીજા દિવસે મજબૂતી સાથે બંધ થયા હતા. BSE સેન્સેક્સ 213 પોઈન્ટના વધારા સાથે 65433 પર બંધ રહ્યો હતો.