સપ્તાહના પ્રથમ ટ્રેડિંગ દિવસે ભારતીય શેરબજાર લાલ નિશાનમાં ખુલ્યું હતું.

BSE સેન્સેક્સ અને NSE નિફ્ટી બંને સૂચકાંકો લાલ નિશાનમાં ટ્રેડિંગ સાથે ખુલ્યા હતા. મિશ્ર વૈશ્વિક સંકેતો વચ્ચે સેન્સેક્સ 350.86 પોઈન્ટ અથવા 0.45 ટકા ઘટીને 76,859.04 પર છે. તે જ સમયે, નિફ્ટી 117.60 પોઈન્ટ અથવા 0.50 ટકાના ઘટાડા સાથે 23,383.50 પર છે. લગભગ 1450 શેર વધ્યા, 1233 શેર ઘટ્યા અને 139 શેર યથાવત રહ્યા.

ગ્લોબલ માર્કેટમાંથી આવતા નબળા ટ્રેન્ડને કારણે રોકાણકારોએ તેલ અને ગેસ કેપિટલ ગુડ્સ અને એફએમસીજી શેરોના શેર વેચવાનું શરૂ કર્યું.

વૈશ્વિક શેરબજારોના નબળા વલણ અને વિદેશી મૂડીના તાજા પ્રવાહને કારણે બજાર પ્રારંભિક કારોબારમાં ઘટ્યું હતું. રેકોર્ડબ્રેક તેજી બાદ પ્રોફિટ-બુકિંગથી પણ બેન્ચમાર્ક સૂચકાંકો પર દબાણ જોવા મળ્યું હતું.