/connect-gujarat/media/media_files/2025/01/17/BrVcmiCzpK8Sjzx3YgIz.jpg)
ટ્રેડિંગ સપ્તાહના ત્રીજા દિવસે શેરબજાર ગ્રીન ઝોનમાં ખુલ્યું. બીએસઈ પર સેન્સેક્સ 213 પોઈન્ટના ઉછાળા સાથે 81,399.86 પર ખુલ્યો.
જયારે NSE પર નિફ્ટી 0.25 ટકાના વધારા સાથે 24,745.75 પર ખુલ્યો. આજે બેન્ચમાર્ક સૂચકાંકો સેન્સેક્સ અને નિફ્ટી પર FII ની વેચાણ, ચોથા ક્વાર્ટરના કમાણી અને મિશ્ર વૈશ્વિક સંકેતોનો પ્રભાવ પડવાની શક્યતા છે. બુધવારે જાહેર કરાયેલા સરકારી આંકડા મુજબ, જાપાનમાં નિકાસ વૃદ્ધિ સતત બીજા મહિને ધીમી રહી છે. અમેરિકાના રાષ્ટ્રપતિ ડોનાલ્ડ ટ્રમ્પ દ્વારા લાદવામાં આવેલા જંગી ટેરિફની અસર દેશ હજુ પણ અનુભવી રહ્યો છે.
સેન્સેક્સના 30 શેરોમાંથી 19 શેરોમાં તેજી જોવા મળી રહી છે. સન ફાર્મા, નેસ્લે અને HDFC બેંકના શેરમાં લગભગ 1% તેજી આવી છે. જ્યારે, ઇટરનલ (ઝોમેટો), અદાણી પોર્ટ્સના શેરમાં 1.2% સુધીનો ઘટાડો થયો છે. નિફ્ટીના 50 શેરોમાંથી 25 શેરોમાં તેજી જોવા મળી રહી છે. NSE ના ફાર્મા ઇન્ડેક્સમાં 1.51%, હેલ્થ કેરમાં 1.26% અને રિયલ્ટીમાં 1.08%ની તેજી આવી છે. જ્યારે, આઇટી, મેટલ અને સરકારી બેંકિંગ ક્ષેત્રોમાં થોડો ઘટાડો જોવા મળી રહ્યો છે.