બ્રહ્માજીના મુખમાંથી પ્રથમ વખત ઉચ્ચારવામાં આવેલ શબ્દ “ઓમકારેશ્વર”, જાણો મંદિર સાથે જોડાયેલી પૌરાણિક વાત..!
દેશભરમાં પવિત્ર શ્રાવણ માસની ઉજવણી કરવામાં આવક રહી છે. આ દરમિયાન દરેક ભક્ત ભગવાન શિવની ભક્તિમાં ડૂબેલા જોવા મળે છે. 2 મહિના સુધી ચાલતો અધિક શ્રાવણ અને પવિત્ર શ્રાવણમાં સમગ્ર માસ દરમિયાન શિવભક્તો ભગવાન શિવની આરાધના કરતા જોવા મળે છે. તેમજ આ દરમિયાન અનેક લોકોએ ઉપવાસ કરીને ભગવાન ભોળાનાથની પૂજા કરી અને અનેક શિવાલયો હર હર મહાદેવના નામથી ગુંજી રહ્યા છે. દેશમાં ભગવાન શિવના અનેક મંદિરો છે. અહીં 12 જ્યોતિર્લિંગ પણ છે જેનું પોતાનું આગવું મહત્વ છે. અને ભક્તોની વિષેશ આસ્થા જોડાયેલી છે.
12 જ્યોતિલિંગ માથી એક જ્યોતિર્લિંગ મધ્ય પ્રદેશમાં સ્થાપિત છે, જે રાજ્યને ભારતનું હૃદય કહેવાય છે, જેને 12 જ્યોતિર્લિંગોમાં ચોથું જ્યોતિર્લિંગ કહેવામાં આવે છે. મધ્ય પ્રદેશમાં સ્થિત ઓમકારેશ્વર જ્યોતિર્લિંગની, જેનું પોતાનું એક અલગ જ મહત્વ છે. તો આવો જાણીએ આ પવિત્ર શ્રાવણ મહિનાના મધ્યપ્રદેશના આ ખાસ મંદિરની ખાસિયત વિશે-
મધ્યપ્રદેશના ખંડવા ક્ષેત્રમાં નર્મદા નદીના કિનારે આવેલું ઓમકારેશ્વર મંદિર વિશ્વભરમાં ખૂબ જ પ્રખ્યાત છે. મધ્યપ્રદેશમાં સ્થાપિત મહાકાલેશ્વર પછી તે રાજ્યનું બીજું જ્યોતિર્લિંગ છે, જે દર વર્ષે વિશ્વભરમાંથી ભાવિક ભક્તો અહીં આવે છે. આ મંદિર મધ્યપ્રદેશના ખંડવામાં નર્મદા નદીના મધ્ય ટાપુ પર આવેલું છે. 12 જ્યોતિર્લિંગોમાં ઓમકારેશ્વર ચોથું જ્યોતિર્લિંગ છે. એવું માનવામાં આવે છે કે આ શબ્દ પ્રથમ બ્રહ્માના મુખમાંથી ઉચ્ચારવામાં આવ્યો હતો.
આ વિશ્વ પ્રસિદ્ધ મંદિરની પોતાની આગવી ઓળખ છે. એવું માનવામાં આવે છે કે ભગવાન શિવ અહીં માતા પાર્વતી સાથે બિરાજે છે અને દરરોજ રાત્રે અહીં આરામ કરે છે. એટલું જ નહીં, બંને અહીં ચોપાટ પણ રમે છે. આ જ કારણ છે કે મંદિરોમાં ચોપાટ, પાસાનાં પારણા અને ઋષિઓને શણગારવામાં આવે છે. શ્રાવણ માસ અને શિવરાત્રી દરમિયાન અહીં ભક્તોની ભારે ભીડ જોવા મળે છે.
ઉત્તર ભારતીય સ્થાપત્યમાં રચાયેલ આ પાંચ માળનું મંદિર નર્મદા નદીની વચ્ચે માંધાતા અને શિવપુરી ટાપુઓ પર આવેલું છે. ખાસ વાત એ છે કે આ ટાપુનો આકાર ઓમ શબ્દ જેવો દેખાય છે. આ જ કારણ છે કે ટાપુ પરનું મંદિર ઓમકારેશ્વર તરીકે ઓળખાય છે. આ મંદિર વિશે એવું પણ માનવામાં આવે છે કે અહીં સ્થાપિત લિંગ એક પ્રાકૃતિક શિવલિંગ છે, જે કોઈ મનુષ્ય દ્વારા કોતરવામાં અથવા બનાવાયેલ નથી.
