ભરૂચ: લક્ષ્મીનારાયણ દેવ કોલેજ ઓફ ફાર્મસીના વિદ્યાર્થીઓએ જીટીયુ ટોપ ટેનમાં સ્થાન પ્રાપ્ત કરીને કોલેજનું ગૌરવ વધાર્યું

ગુજરાત ટેકનોલોજીકલ યુનિવર્સિટી (GTU) દ્વારા વિન્ટર 2024માં લેવાયેલા એમ ફાર્મ (માસ્ટર ઓફ ફાર્મસી) ના પહેલા સેમેસ્ટરની ફાઈનલ પરીક્ષાના પરિણામો જાહેર થતાં જ ભરૂચના ભોલાવ વિસ્તારમાં સ્થિત લક્ષ્મીનારાયણ દેવ કોલેજ ઓફ ફાર્મસીના વિદ્યાર્થીઓએ શૈક્ષણિક ક્ષેત્રે ઉત્તમ સિદ્ધિ હાંસલ કરી છે. 

આ પરીક્ષામાં લક્ષ્મીનારાયણ દેવ કોલેજ ઓફ ફાર્મસીના ત્રણ વિદ્યાર્થીઓએ ટોપ ટેનમાં સ્થાન મેળવી કોલેજનું નામ ઉજ્જવળ કર્યું છે.પટેલ ખદિજાએ SPI 9.38 સાથે ચોથો ક્રમ મેળવી કોલેજની પ્રતિષ્ઠાને વધારી છે.પટેલ બ્રિજેશ અને દીવાન સામિયા બાનુ બંનેએ SPI 9.08 સાથે દસમો ક્રમ પ્રાપ્ત કર્યો છે. 

આ સિદ્ધિ માત્ર વિદ્યાર્થીઓની મહેનત, સંકલ્પ અને સમર્પણનું પરિણામ નથી, પણ કોલેજની ઉચ્ચ ગુણવત્તાવાળી શિક્ષણ પદ્ધતિ અને માર્ગદર્શનનું પણ પરિણામ છે. વિદ્યાર્થીઓએ પોતાના શૈક્ષણિક લક્ષ્યોની તરફ અડગ રહેતા આ શ્રેષ્ઠ પરિણામ મેળવ્યું છે. 

લક્ષ્મીનારાયણ દેવ કોલેજ ઓફ ફાર્મસીના તમામ ટ્રસ્ટીગણ, પ્રિન્સીપાલ, શિક્ષકમંડળ અને સ્ટાફ દ્વારા આ સફળતા માટે વિદ્યાર્થીઓને હૃદયપૂર્વક અભિનંદન પાઠવવામાં આવે છે. કોલેજના મેનેજમેન્ટે જણાવ્યું કે વિદ્યાર્થીઓની મહેનત અને શિક્ષકોના માર્ગદર્શનથી કોલેજ હંમેશા શ્રેષ્ઠ પરિણામો આપતી રહી છે અને આગળ પણ એ જ ધોરણ જાળવી રાખશે. 

આ સફળતાએ પણ દર્શાવે છે કે કેવી રીતે વિદ્યાર્થીઓ પોતાના સપનાઓને સાકાર કરી શકે છે જ્યારે તેમને યોગ્ય માર્ગદર્શન અને યોગ્ય તક મળે.આગળ પણ વધુ સફળતાઓ પ્રાપ્ત કરવા માટે વિદ્યાર્થીઓને તમામ ટ્રસ્ટીગણ, પ્રિન્સીપાલ, શિક્ષકમંડળ અને સ્ટાફ દ્વારા શુભેચ્છાઓ પાઠવવામાં આવી છે.