વેબ સિરીઝ 'મિર્ઝાપુર' પર ફિલ્મ બનશે ! ઋત્વિક રોશન હશે લીડ રોલમાં !

વેબ સિરીઝ 'મિર્ઝાપુર'ની ત્રણ સિઝન આવી ગઈ છે. જે દર્શકોને ખૂબ જ પસંદ આવી છે. હવે મેકર્સ સિરીઝની ચોથી સિઝનની તૈયારી કરી રહ્યા છે. દરમિયાન એવા સમાચાર પણ સામે આવી રહ્યા છે કે મેકર્સ હવે તેને ફિલ્મનું રૂપ આપવા જઈ રહ્યા છે. આ માટે હૃતિક રોશનને મુખ્ય ભૂમિકામાં લાવવાના પ્રયાસો ચાલુ છે.

જોકે, મેકર્સે હજુ સુધી આ અંગે સત્તાવાર જાહેરાત કરી નથી.ઉલ્લેખનીય છે કે હૃતિક નેગેટિવ રોલ કરવાનું પણ પસંદ કરે છે. હાલમાં જ તે વિક્રમ વેદ ફિલ્મમાં નેગેટિવ શેડમાં જોવા મળ્યો હતો. તે રામાયણ ફિલ્મમાં રાવણનું પાત્ર ભજવવા જઈ રહ્યો હતો. જોકે, તારીખોને કારણે આ શક્ય બન્યું ન હતું. હવે ચર્ચા છે કે તે કાલિન ભૈયા જેવા પાત્રમાં જોવા મળશે.મિર્ઝાપુર પર ફિલ્મ બનવાના સમાચાર પર સિરિઝના ડિરેક્ટર ગુરમીત સિંહે કહ્યું, 'હજુ સુધી આ અંગે કોઈ સત્તાવાર જાહેરાત કરવામાં આવી નથી. આમાં પ્રોડ્યુસર્સ અને સ્ટુડિયો પણ સામેલ છે. તેઓ સત્તાવાર નિવેદન આપશે ત્યારે જ બધું સ્પષ્ટ થશે. તેથી હું તમને કશું કહી શકું તેમ નથી. હું હૃતિક વિશે અપડેટમાં પણ કંઈ કહી શકતો નથી.