આમિર ખાનની ફિલ્મ લાલ સિંહ ચડ્ઢા OTT પ્લેટફોર્મ પર થઈ રિલીઝ

આમિર ખાનની ફિલ્મ લાલ સિંહ ચડ્ઢા 11 ઓગસ્ટના રોજ સિનેમાઘરોમાં રિલીઝ થઈ હતી. આ ફિલ્મની ચાહકો આતુરતાથી રાહ જોઈ રહ્યા હતા પરંતુ લાલ સિંહ ચઢ્ઢા દર્શકોને પ્રભાવિત કરી શકી નહીં. આ ફિલ્મ બોક્સ ઓફિસ પર ફ્લોપ સાબિત થઈ હતી. લાલ સિંહ ચઢ્ઢામાં આમિર ખાન સાથે કરીના કપૂર, નાગા ચૈતન્ય અને મોના સિંહ મુખ્ય ભૂમિકામાં જોવા મળે છે. હવે આ ફિલ્મ OTT પ્લેટફોર્મ પર રિલીઝ કરવામાં આવી છે. આમિર ખાને કહ્યું હતું કે થિયેટરોમાં રિલીઝ થયાના 6 મહિના પછી તેને OTT પ્લેટફોર્મ પર સ્ટ્રીમ કરવામાં આવશે, પરંતુ હવે તેને 2 મહિનામાં રિલીઝ કરવામાં આવી છે. આમિર ખાનની લાલ સિંહ ચડ્ઢા નેટફ્લિક્સ પર રિલીઝ કરવામાં આવી છે.

નેટફ્લિક્સ ઇન્ડિયાએ સોશિયલ મીડિયા પર પોસ્ટ શેર કરીને OTT પ્લેટફોર્મ પર ફિલ્મની રિલીઝ વિશે માહિતી આપી છે. નેટફ્લિક્સે ટ્વિટ કર્યું- 'તમારું પોપકોર્ન અને ગોલગપ્પા તૈયાર રાખો કારણ કે લાલ સિંહ ચડ્ઢા હવે રિલીઝ થઈ ગઈ છે.' જેમણે આ ફિલ્મ થિયેટરોમાં જોઈ ન હતી તે OTT પ્લેટફોર્મ પર સ્ટ્રીમ થવાની રાહ જોઈ રહ્યા હતા.