અજય દેવગણ સાયકોલોજીકલ થ્રિલર ફિલ્મ "નામ"માં જોવા મળશે, 22 નવેમ્બરે થશે રિલીઝ !

બોલિવૂડ એક્ટર અજય દેવગન તેની મોસ્ટ અવેડેટ ફિલ્મ 'સિંઘમ અગેન'ની રિલીઝ માટે તૈયાર છે. તે ફિલ્મની ટીમ સાથે તેના જોરશોરથી પ્રમોશનમાં વ્યસ્ત છે. દરમિયાન, હવે અભિનેતાના ચાહકો માટે સારા સમાચાર આવ્યા છે. 'સિંઘમ અગેન'ની રિલીઝ પહેલા અજય દેવગનની વધુ એક નવી ફિલ્મની જાહેરાત કરવામાં આવી છે. મેકર્સે ફિલ્મનું પોસ્ટર રિલીઝ કરીને તેની રિલીઝ ડેટ પણ જાહેર કરી દીધી છે.અજય દેવગનની નવી ફિલ્મનું નામ છે 'નામ'. તેનું નિર્દેશન અનીસ બઝમી કરશે.

અજય દેવગન અને અનીસ બઝમીની મનોવૈજ્ઞાનિક થ્રિલર ફિલ્મ 'નામ' 22 નવેમ્બરે થિયેટર્સમાં રિલીઝ થવાની છે. અજય સાથે અનીસની આ ચોથી ફિલ્મ હશે. આ પહેલા તે 'હલચલ', 'પ્યાર તો હોના હી થા' અને 'દીવાંગી'માં કામ કરી ચૂક્યો છે.આ ફિલ્મમાં શરૂઆતમાં પ્રિયંકા ચોપરા મુખ્ય ભૂમિકા ભજવવાની હતી, પરંતુ તેણે ના પાડી અને તેના સ્થાને સમીરા રેડ્ડીને લેવામાં આવી. 'નામ'માં ભૂમિકા ચાવલા પણ છે. આગામી ફિલ્મ અનિલ રૂંગટા દ્વારા નિર્મિત છે. અભિનેતાની નવી ફિલ્મની જાહેરાત બાદ ચાહકો ખૂબ જ ખુશ છે. આ ફિલ્મમાં અજય દેવગન પણ એક્શન કરતો જોવા મળશે.