એક્ટિંગ સિવાય સુહાના ખાન આ ફિલ્ડમાં પણ ડેબ્યૂ કરશે, શાહરૂખની ડાર્લિંગે કરી મોટી જાહેરાત...

પોતાના પિતાના પગલે ચાલીને શાહરૂખ ખાનની લાડકી દીકરી સુહાના ખાન ટૂંક સમયમાં જ અભિનયની દુનિયામાં પ્રવેશવા જઈ રહી છે. તે ટૂંક સમયમાં નેટફ્લિક્સ પર રિલીઝ થનારી ઝોયા અખ્તરની ફિલ્મ “ધ આર્ચીઝ”થી ડેબ્યૂ કરશે. હાલમાં જ સુહાનાએ જણાવ્યું હતું કે, તે એક્ટિંગ સિવાય અન્ય ફિલ્ડમાં એન્ટ્રી કરી રહી છે.

શાહરૂખ ખાનના 2 બાળકો સુહાના ખાન અને આર્યન ઇન્ડસ્ટ્રીમાં તેમની નવી સફર શરૂ કરવા માટે તૈયાર છે. એક તરફ જ્યાં આર્યન ખાન અભિનયથી દૂર દિગ્દર્શક તરીકે ડેબ્યુ કરવા જઈ રહ્યો છે. તો બીજી તરફ, તેના પિતાના પગલે ચાલીને સુહાના ખાન અભિનેત્રી તરીકે ડેબ્યુ કરશે.

અગસ્ત્ય નંદા અને ખુશી કપૂર સાથે, તે ઝોયા અખ્તર દ્વારા નિર્દેશિત નેટફ્લિક્સ ફિલ્મ 'ધ આર્ચીઝ'માં તેની અભિનય કુશળતા બતાવશે. હવે તાજેતરમાં સુહાના ખાને તેના ચાહકોને કહ્યું કે, તે માત્ર એક અભિનેતા તરીકે જ નહીં પરંતુ ગાયક તરીકે પણ તેની નવી સફર શરૂ કરવા જઈ રહી છે. પ્રેક્ષકો તેની વાયરલ ક્લિપ્સમાં સુહાના ખાનની એક્ટિંગની ઝલક જોઈ ચૂક્યા છે. પરંતુ કદાચ આ પહેલીવાર હશે, જ્યારે ચાહકો તેને ગીત ગાતા જોશે. સુહાના ખાને પોતે જ તેના પ્રશંસકો સાથે સિંગિંગ ક્ષેત્રમાં તેના ડેબ્યુ વિશેની માહિતી શેર કરી હતી