'ભોલા'નું ધાસુ ટ્રેલર રિલીઝ, હૃદયના ધબકારા વધારવા અજય સાથે ફરી એકવાર આવી તબુ..!

અજય દેવગન હિન્દી સિનેમાના પીઢ અભિનેતા છે. તેણે પોતાના શાનદાર અભિનયથી બધાના દિલ જીતી લીધા છે. ગયા વર્ષે રિલીઝ થયેલી ફિલ્મ દૃશ્યમમાં, અભિનેતાએ શાનદાર અભિનય દ્વારા ધૂમ મચાવી હતી. તે ફિલ્મ સુપરહિટ સાબિત થઈ હતી. હવે ફરી એકવાર તે રોમાંચક ફિલ્મ ભોલા સાથે તૈયાર છે. અજય દેવગન સ્ટારર ફિલ્મ ભોલાનું ટ્રેલર રિલીઝ થઈ ગયું છે. ટ્રેલરમાં અજય દેવગન અને તબ્બુની ધાસુ એક્ટિંગ જોવા મળી રહી છે.

માર્ચના અંતમાં અજય દેવગન ફિલ્મ 'ભોલા'માં ધૂમ મચાવતો જોવા મળશે. સોમવાર, 6 માર્ચે, અજય દેવગનની 'ભોલા'નું સિઝલિંગ ટ્રેલર 3D માં રિલીઝ કરવામાં આવ્યું છે, જે ચાહકોના હૃદયના ધબકારા વધારી રહ્યું છે. આ ફિલ્મમાં અજય દેવગન સિવાય બી-ટાઉનની સુપરસ્ટાર તબ્બુ લીડ રોલમાં જોવા મળી રહી છે. તબુએ તેના અભિનયથી ધમાલ મચાવી રહી છે. ભોલામાં તબ્બુ પોલીસની ભૂમિકામાં છે. જ્યારે અજય દેવગણ એક કેદીની ભૂમિકામાં છે. દીપક ડોબરિયાલ નેગેટિવ રોલમાં જોવા મળશે. ભોલા ફિલ્મની વાર્તા ડ્રગ માફિયાની આસપાસ ફરતી હોય તેવું લાગે છે. આ ફિલ્મમાં પિતા અને પુત્રી વચ્ચેનું બોન્ડિંગ પણ જોવા મળશે.