કાર્તિક આર્યનની ફિલ્મમાં મોટો ફેરફાર, ફિલ્મ 'આશિકી 3' નામથી રિલીઝ નહીં થાય, આ ટાઇટલ મળ્યું!
બોલિવૂડના હેન્ડસમ એક્ટર કાર્તિક આર્યનના ફેન્સ તેની ફિલ્મોની આતુરતાથી રાહ જોતા હોય છે.
બોલિવૂડના હેન્ડસમ એક્ટર કાર્તિક આર્યનના ફેન્સ તેની ફિલ્મોની આતુરતાથી રાહ જોતા હોય છે. ચાહકો તેમની આગામી ફિલ્મોના અપડેટ્સ માટે સોશિયલ મીડિયા પર નજર રાખે છે. બી ટાઉનના સૌથી હેન્ડસમ બેચલર કાર્તિક આર્યન પાસે તેની કીટીમાં કેટલાક રસપ્રદ પ્રોજેક્ટ્સ છે, જેમાં પ્રખ્યાત રોમેન્ટિક ફ્રેન્ચાઇઝી 'આશિકી'ની સિક્વલનો સમાવેશ થાય છે.
'આશિકી 3' વિશે અપડેટ
ફિલ્મ 'આશિકી 3'ને લઈને અત્યાર સુધીમાં ઘણા અપડેટ્સ સામે આવ્યા છે. ફિલ્મની લીડ એક્ટ્રેસ માટે તૃપ્તિ ડિમરીથી લઈને સારા અલી ખાન સુધીના નામો સામે આવ્યા છે. જોકે, નિર્માતાઓએ કાર્તિક આર્યનની સામે કોઈ અભિનેત્રીના નામની પુષ્ટિ કરી નથી. આ દરમિયાન ફિલ્મના ટાઇટલમાં ફેરફારના સમાચાર સામે આવ્યા છે. એવી ચર્ચા છે કે 'આશિકી'નો આગામી હપ્તો 'આશિકી 3' તરીકે ઓળખાશે નહીં.
આ ટાઇટલ સાથે રિલીઝ થશે ફિલ્મ!
તાજેતરના ઝૂમ રિપોર્ટ અનુસાર, એવું કહેવાય છે કે 'આશિકી 3'નું નામ બદલવામાં આવ્યું છે. આ ફિલ્મ 'તુ આશિકી હૈ'ના નામથી રિલીઝ થશે. જોકે, મેકર્સ તરફથી સત્તાવાર સમર્થન આવવાનું બાકી છે. અનુરાગ બાસુ આ ફિલ્મનું નિર્દેશન કરશે, જે ભટ્ટ કેમ્પની પ્રખ્યાત ફ્રેન્ચાઈઝી છે.