ધર્મેન્દ્રના નિધનની અફવા પર દીકરી ઈશા દેઓલનું નિવેદન, 'પપ્પાની તબિયત સ્થિર છે, સ્વસ્થ થવાની પ્રાર્થના કરો'

 બોલિવૂડના દિગ્ગજ અભિનેતા ધર્મેન્દ્રના અવસાનના સમાચાર આવ્યા હતા, જેનાથી તેમના ચાહકો ખૂબ જ દુઃખી થયા હતા. જોકે, તેમની પુત્રી ઈશા દેઓલે હવે એક પોસ્ટ શેર કરી છે જેમાં સ્પષ્ટતા કરવામાં આવી છે કે તેમના પિતા સ્વસ્થ છે અને સ્વસ્થ થઈ રહ્યા છે. 

ધર્મેન્દ્રના અવસાનના સમાચાર મળતાં જ ઈશાએ તરત જ અફવાઓથી દૂર રહેવા માટે તરત જ પોસ્ટ કરી હતી. તેણીએ લખ્યું હતું કે, "મારા પિતા સ્વસ્થ છે અને સ્વસ્થ થઈ રહ્યા છે. અમે બધાને અમારા પરિવારની પ્રાઈવેસીનું સન્માન કરવા વિનંતી કરીએ છીએ. મારા પિતાના ઝડપી સ્વસ્થ થવા માટે તમારી પ્રાર્થનાઓ બદલ આભાર." 

નોંધનીય છે કે ધર્મેન્દ્રની તબિયત બગડ્યા બાદ આખો પરિવાર હોસ્પિટલ દોડી ગયો હતો. સની દેઓલ તેમના પિતાને મળવા પહોંચ્યા હતા. અહેવાલો અનુસાર, તેમની પુત્રીઓને પણ અમેરિકાથી ફોન કરવામાં આવી રહ્યા છે. જોકે, ધર્મેન્દ્ર સાથે તેમની મુલાકાતના કોઈ સમાચાર નથી.

ધર્મેન્દ્રની તબિયતમાં સુધારો

છેલ્લા કેટલાક દિવસોથી ધર્મેન્દ્રના સ્વાસ્થ્ય અંગેના સમાચાર અને અફવાઓ હેડલાઇન્સમાં ચમકી રહી છે. તાજેતરમાં જ્યારે તેમણે શ્વાસ લેવામાં તકલીફની ફરિયાદ કરી હતી ત્યારે તેમને હોસ્પિટલમાં દાખલ કરવામાં આવ્યા હતા. ત્યારથી તેઓ તબીબી નિરીક્ષણ હેઠળ છે. આજે જ્યારે ઈશાએ ધર્મેન્દ્રના સ્વાસ્થ્ય અંગે તેના ઇન્સ્ટાગ્રામ હેન્ડલ પર એક નિવેદન બહાર પાડ્યું, ત્યારે તેમના ચાહકોને ખૂબ રાહત થઈ.

હેમા માલિનીનું નિવેદન

ઈશા પહેલા હેમા માલિનીએ પણ તેના ઇન્સ્ટાગ્રામ હેન્ડલ પર ધર્મેન્દ્રના સ્વાસ્થ્ય વિશે માહિતી શેર કરી હતી. હેમાએ એક નિવેદન બહાર પાડીને પુષ્ટી કરી હતી કે ધર્મેન્દ્ર નિરીક્ષણ હેઠળ છે અને તેમની સ્થિતિ સ્થિર છે. હેમાએ ઇન્સ્ટાગ્રામ પર લખ્યું હતું કે, "હું ધરમજી વિશે ચિંતા કરવા બદલ બધાનો આભાર માનું છું, જે હોસ્પિટલમાં નિરીક્ષણ હેઠળ છે. તેમનું સતત નિરીક્ષણ કરવામાં આવી રહ્યું છે અને અમે બધા તેમની સાથે છીએ. હું દરેકને તેમના સ્વસ્થ થવા માટે પ્રાર્થના કરવા વિનંતી કરું છું."