અમેરીકામાં શૂટિંગ દરમિયાન કિંગ ખાન થયો ઘાયલ, કરાવવી પડી સર્જરી......

શાહરૂખ ખાન હાલમાં તેના આગામી પ્રોજેક્ટના શૂટિંગમાં વ્યસ્ત છે. તે તાજેતરમાં એક શૂટ માટે અમેરિકાના લોસ એન્જલસમાં હતો, જ્યાં તેનો અકસ્માત થયો હતો. અહેવાલ અનુસાર, એક શૂટ પૂર્ણ કરતી વખતે તેને નાકમાં ઈજા થઈ હતી. આવી સ્થિતિમાં, ટીમે તરત જ અભિનેતાને હોસ્પિટલમાં ખસેડ્યો હતો. મળતી માહિતી અનુસાર, લોહીને રોકવા માટે એક નાની સર્જરી કરવામાં આવી હતી.

શાહરૂખ આ દિવસોમાં લોસ એન્જલસમાં પોતાના આગામી પ્રોજેક્ટનું શૂટિંગ કરી રહ્યો હતો. શૂટિંગ દરમિયાન શાહરૂખ સાથે એક અકસ્માત થયો હતો. અભિનેતાને શૂટ દરમિયાન નાકમાં ઈજા થઈ હતી, જેના કારણે તેણે તાત્કાલિક નાકની સર્જરી કરાવવી પડી હતી. અહેવાલ અનુસાર, શાહરૂખ હોસ્પિટલ ગયા બાદ ડોક્ટર્સે એક્ટરની ટીમને જાણ કરી હતી કે બ્લીડિંગ રોકવા માટે તેને નાની સર્જરી કરાવવી પડશે. શાહરૂખની હાલત સ્થિર હોવાનું કહેવાય છે.

શાહરૂખ ખાનની ફિલ્મ પઠાને બોક્સ ઓફિસ પર ધૂમ મચાવી હતી. વિશ્વભરમાં આ ફિલ્મે 1000 કરોડ રૂપિયાની કમાણી કરી છે. હાલ ફેન્સ તેની આગામી ફિલ્મ જવાનની રાહ જોઈ રહ્યા છે. ફિલ્મનું ટ્રેલર 12 જુલાઈએ રિલીઝ થઈ શકે છે. ટ્રેલર ટોમ ક્રૂઝની મિશન ઈમ્પોસિબલઃ ડેડ રેકનીંગ સાથે થિયેટરોમાં બતાવવામાં આવશે. શાહરૂખ ખાન સ્ટારર આ ફિલ્મનું ડાયરેકશન એટલી કુમારે કર્યું છે. શાહરુખની પ્રોડક્શન કંપની રેડ ચિલીઝ એન્ટરટેઈનમેન્ટ અને ગૌરી ખાન દ્વારા આ ફિલ્મનું પ્રોડક્શન કરવામાં આવ્યું છે. આ સિવાય શાહરૂખ પાસે રાજકુમાર હિરાનીની ડંકી પણ છે, જેમાં વિકી કૌશલ અને તાપસી પન્નુ પણ છે.