એલ્વિશ યાદવની મીટઅપમાં લાખો લોકોની ઉમટી ભીડ, CM મનોહર લાલ ખટ્ટરે કર્યું સન્માન..!
બિગ બોસ ઓટીટી સીઝન 2 ના વિજેતા બનેલા એલ્વિશ યાદવ તેમના શહેર ગુરુગ્રામ પહોંચ્યા હતા.
બિગ બોસ ઓટીટી સીઝન 2 ના વિજેતા બનેલા એલ્વિશ યાદવ તેમના શહેર ગુરુગ્રામ પહોંચ્યા હતા. શુક્રવારે વિજેતા હરિયાણાના સીએમ મનોહર લાલ ખટ્ટરને પણ મળ્યા હતા. રવિવાર, 20 ઓગસ્ટના રોજ, વિજેતાએ તેના ચાહકો માટે એક મીટઅપનું આયોજન કર્યું હતું.
'બિગ બોસ ઓટીટી સીઝન 2'ના વિજેતા એલ્વિશ યાદવે રવિવારે ગુરુગ્રામ સેક્ટર 38ના તૌ દેવીલાલ સ્ટેડિયમમાં 'અભિનંદન સમારોહ' નામની તેમની મીટઅપ યોજી હતી. હવે આ મીટઅપની ઘણી તસવીરો અને વીડિયો સોશિયલ મીડિયા પર વાયરલ થઈ રહ્યા છે, જેમાં લાખો લોકો જોવા મળી રહ્યા છે.
આ વીડિયોમાં એલ્વિશ યાદવ હરિયાણાના સીએમ મનોહર લાલ ખટ્ટર સાથે સ્ટેજ પર એન્ટ્રી કરતા જોઈ શકાય છે. તેમણે જાહેરાત કરી કે હરિયાણા સરકાર 1 નવેમ્બરના રોજ હરિયાણા દિવસના દિવસે રાજ્ય સ્તરીય પ્રતિભા શોધ કાર્યક્રમનું આયોજન કરશે. રાજ્યમાં તેજસ્વી યુવા પ્રતિભાઓનું પણ સન્માન કરવામાં આવશે. એ જ દિવસે એલ્વિશ યાદવનું પણ સન્માન કરવામાં આવશે. મુખ્યમંત્રીએ યુવાનોને નશાથી દૂર રહેવા અને સશક્ત સમાજના નિર્માણમાં યોગદાન આપવા અપીલ કરી હતી.
મીડિયા રિપોર્ટ્સ અનુસાર, એલ્વિશ યાદવના આ મીટઅપ પ્રોગ્રામમાં 3 લાખથી વધુ લોકોની ભીડ એકઠી થઈ હતી. આ દરમિયાન વિજેતાના માતા-પિતા પણ જોવા મળ્યા હતા. આ પ્રસંગે ટીવી એક્ટર પ્રિન્સ નરુલા પણ જોવા મળ્યા હતા.
