‘OMG 2' નું ટીઝર કાલે રિલીઝ થશે, એક્ટર અક્ષય કુમાર જોવા મળશે ભગવાન શિવના લુકમાં.......

ટૂંક સમયમાં જ અક્ષય કુમાર, પંકજ ત્રિપાઠી અને યામી ગૌતમ ફિલ્મ 'OMG 2'માં જોવા મળશે. અક્ષય કુમાર, યામી ગૌતમ અને ફિલ્મની ટીમે સોશિયલ મીડિયા પર ફિલ્મના ટીઝરની રિલીઝ ડેટની જાહેરાત કરી છે.

ફિલ્મમાંથી પોતાનો લુક શેર કરતા અક્ષય કુમારે સોશિયલ મીડિયા પર જણાવ્યું છે કે 'OMG 2'નું ટીઝર 11 જુલાઈના રોજ આવશે. અક્ષય કુમારે ફિલ્મમાં પોતાના લુકની એક વીડિયો ક્લિપ સોશિયલ મીડિયા પર શેર કરી છે. આ વીડિયોમાં અક્ષય ભગવાન શિવના લુકમાં જોવા મળી રહ્યો છે. અક્ષય ખુલ્લા વાળ સાથે બ્લેક આઉટફિટમાં જોવા મળે છે.

આ ફિલ્મમાં તેમનો લુક એકદમ ઇન્ટેન્સ લાગે છે. વીડિયો જોઈ શકાય છે કે અક્ષય આ લુકમાં લોકોની ભીડમાંથી પસાર થઈ રહ્યો છે. વીડિયોના બેકગ્રાઉન્ડમાં 'હર હર મહાદેવ'ની ધૂન વાગી રહી છે. વીડિયો શેર કરતાં અક્ષય કુમારે લખ્યું, 'OMG 2' નું ટીઝર 11 જુલાઈએ આવશે! 'OMG 2' 11 ઓગસ્ટે સિનેમાઘરોમાં રિલીઝ થશે.

અક્ષયના લુકના સોશિયલ મીડિયા પર ખૂબ વખાણ થઈ રહ્યા છે. એક યુઝરે લખ્યું છે - હર હર મહાદેવ! હું 'OMG 2'ની આતુરતાથી રાહ જોઈ રહ્યો છું.