પંચમહાલ : "મેરે પાસ માં હૈ" ફિલ્મના શુટિંગ માટે ચાંપાનેર ખાતે અભિનેત્રી માધુરી દીક્ષિતનું આગમન...

પંચમહાલ જિલ્લાનું ઐતિહાસિક ધરોહર ગણાતું ચાંપાનેર (પાવાગઢ) ખાતે ફિલ્મ જગતમાં "ધક ધક ગર્લ" અભિનેત્રી માધુરી દીક્ષિત "મેરે પાસ માં હે" હિન્દી ફીલ્મના શુટિંગ માટે આવી પહોચતા ચાહકોમાં અનેરો ઉત્સાહ જોવા મળ્યો હતો.

પાવાગઢ ખાતે બોલીવુડ ફિલ્મ અભિનેત્રી માધુરી દીક્ષિતને જોવા માટે લોકો મોટી સંખ્યામાં ઉમટી પડ્યા હતા. જોકે, ચુસ્ત બંદોબસ્તને લઈ ચાહકો તેને મળી ન શકતા ચાહકોમાં નિરાશા છવાઈ ગઈ હતી. પરંતુ ફીલ્મના શુટિંગ માટે જતા આવતા ચાહકોને હાથ ઉંચો કરી અભિનેત્રી માધુરી દીક્ષિતે અભિવાદન આપ્યા હતા. હિન્દી ફિલ્મની નાયિકા માધુરી દીક્ષિત આજે "મેરે પાસ માં હે" હિન્દી ફીલ્મનું શુટિંગ પંચમહાલ જિલ્લાનું ઐતિહાસિક ધરોહર ગણાતું ચાપાંનેર (પાવાગઢ) ખાતે 3 દિવસ માટે ચાલનાર છે. આ સાથે જ પાવાગઢના ચાંપાનેર ખાતે પણ ફિલ્મના શુટિંગ માટે પહોચતા ચાહકો મોટી સંખ્યામાં શુટિંગ પોઇન્ટ પર ઉમટી પડ્યા હતા.