પુષ્પા-2નું નવું ટીઝર રિલીઝ, 1 મિનિટ 8 સેકન્ડનું ટીઝર તમારા રૂંવાડા ઉભા કરી દેશે !

8 એપ્રિલનો દિવસ અલ્લૂ અર્જુન અને પુષ્પા 2ની આતુરતાથી રાહ જોતા લોકો માટે ખાસ બની ગયો છે. અલ્લૂ અર્જુન 8 એપ્રિલે તેનો 42 મો જન્મદિવસ ઉજવી રહ્યો છે અને આ દિવસે જ ફિલ્મ પુષ્પા 2 નું ટીઝર રિલીઝ કરવામાં આવ્યું છે. અલ્લૂ અર્જુને ઈંસ્ટાગ્રામ પર એક પોસ્ટ કરી પહેલાથી જ જાણકારી શેર કરી દીધી હતી કે 8 એપ્રિલે પુષ્પા 2 નું ટીઝર રિલીઝ થવાનું છે.

પુષ્પા 2 નું ટીઝર રિલીઝ થયાની સાથે જ વાયરલ થયું છે અને સોશિયલ મીડિયા પર ટ્રેંડ થઈ રહ્યું છે. અલ્લુ અર્જુનના ચાહકો આજે તેના સુપરસ્ટારના જન્મદિવસની સાથે પુષ્પા 2 ના ટીઝરને પણ માણી રહ્યા છે. પુષ્પા 2 ફિલ્મના ટીઝરમાં અલ્લૂ અર્જુન નવા જ અવતારમાં જોવા મળે છે. ટીઝરમાં તેણે સાડી પહેરી છે, ઘરેણા પહેર્યા છે અને મેકઅપ કર્યો છે. આ લુક જોઈને ચાહકો પણ આતુર થયા છે. 1 મિનિટ અને 8 સેકન્ડનું આ ટીઝર રુંવાડા ઊભા કરી દેશે. ફિલ્મના ટીઝરમાં અલ્લૂ અર્જુન જબરદસ્ત એક્શન કરતો જોવા મળે છે.