'પુષ્પા કહાં હૈ?', પુષ્પા 2નું રોંગટા ઉભા કરી દેતું ટીઝર થયું રિલીઝ
સાઉથ સુપરસ્ટાર અલ્લુ અર્જુનની પાન ઈન્ડિયા ફિલ્મ 'પુષ્પા ધ રાઈઝ' બોક્સ ઓફિસ પર જબરદસ્ત હિટ રહી હતી અને બ્લોકબસ્ટર સાબિત થઈ હતી.
સાઉથ સુપરસ્ટાર અલ્લુ અર્જુનની પાન ઈન્ડિયા ફિલ્મ 'પુષ્પા ધ રાઈઝ' બોક્સ ઓફિસ પર જબરદસ્ત હિટ રહી હતી અને બ્લોકબસ્ટર સાબિત થઈ હતી. આ ફિલ્મ તમામ ભાષાઓમાં દર્શકોને પસંદ આવી હતી. ફિલ્મનો પહેલો ભાગ સુપરહિટ થતાં જ નિર્માતાઓએ તેના બીજા ભાગની જાહેરાત કરી દીધી હતી. એવા સમાચાર હતા કે ફિલ્મનું ટીઝર અલ્લુ અર્જુનના જન્મદિવસ પર એટલે કે 8 એપ્રિલે રિલીઝ થઈ શકે છે, પરંતુ નિર્માતાઓએ ફિલ્મનું ટીઝર 7 એપ્રિલના રોજ અભિનેતાના જન્મદિવસ પહેલા રિલીઝ કર્યું છે.
ફિલ્મનો ટીઝર વીડિયો દર્શકોને પસંદ આવી રહ્યો છે. અલ્લુ અર્જુન અને સુકુમારની બહુપ્રતિક્ષિત સમગ્ર ભારતની એક્શન ડ્રામા ફિલ્મ 'પુષ્પાઃ ધ રૂલ'નું ટીઝર 'પુષ્પા કહાં હૈ?' ના શીર્ષક સાથે પ્રારંભ થયો હતો વીડિયોની શરૂઆતમાં બતાવવામાં આવ્યું છે કે પુષ્પાને જગ્યાએ જગ્યાએ શોધી રરહ્યા છે. ટીઝરમાં 'પુષ્પા ધ રૂલ'ની સ્ટોરીનો નવો લુક જોવા મળ્યો હતો. ફિલ્મની વાર્તા પહેલા ભાગ કરતા વધુ રોમાંચક હશે.
વીડિયોમાં બતાવવામાં આવ્યું છે કે પુષ્પા તિરુપતિ જેલમાંથી ભાગી ગયો છે અને પોલીસ તેને શોધવાના તમામ પ્રયાસો કરી રહી છે. વીડિયોમાં અલ્લુ અર્જુનની પહેલી ઝલક પણ જોવા મળી છે, જે એકદમ પાવરફુલ છે, જેણે ફેન્સની ઉત્સુકતા વધારી દીધી છે. ત્રણ મિનિટ અને 14 સેકન્ડની આ ટીચર રિલીઝ થતાં જ તેને થોડા જ સમયમાં લાખો વ્યૂઝ મળી ગયા છે.
