પુત્રી રાશા સાથે રવિના ટંડન પહોચી કેદારનાથ, બાબાના દર્શન કરી મેળવ્યા આશીર્વાદ.....

બોલિવૂડ અભિનેત્રી રવિના ટંડન આ દિવસોમાં તેની આગામી ફિલ્મ 'વેલકમ 3' માટે સમાચારમાં છે. આ ફિલ્મમાં રવિના ટંડન વર્ષો પછી તેના એક્સ બોયફ્રેન્ડ અક્ષય કુમાર સાથે જોવા મળશે. આ દરમિયાન રવિના ટંડન દીકરી રાશા સાથે આશીર્વાદ લેવા બાબા કેદારનાથ પહોંચી હતી, જ્યાંથી તેની તસવીરો સોશિયલ મીડિયા પર વાયરલ થઈ રહી છે.

આ વાયરલ થયેલ તસવીરોમાં રવિના ટંડન તેની તેની દીકરી રાશા કપાળ પર તિલક લગાવેલી જોવા મળી રહી છે. તો બીજી તસવીરમાં રવિના ટંડન અને રાશા થડાની ભગવાન ભોલેનાથના આશીર્વાદ લેતા જોવા મળે છે. ત્રીજી તસવીરમાં રાશા અને રવિના મંદિર પરિસરમાં ફોટો પડાવતા જોવા મળે છે. આ તસવીરો રાશાએ તેના ઈન્સ્ટાગ્રામ એકાઉન્ટ પર શેર કરી છે. આ પહેલા રવીના પણ તેની પુત્રી સાથે ઋષિકેશ ગઈ હતી.અહીં અભિનેત્રીએ ઋષિ-મુનિઓ સાથે ગંગા આરતી કરી હતી. રવિના ટંડનનો સંતો સાથે ભજન ગાઈને ગંગા આરતી કરતો એક વીડિયો પણ સોશિયલ મીડિયા પર વાયરલ થયો હતો, જેમાં લોકો તેની ભક્તિ જોઈને અભિનેત્રીની પ્રશંસા કરતા જોવા મળ્યા હતા.