દિવાળી પર સિંઘમ થિયેટરોમાં મચાવશે ધમાલ,રોહિત શેટ્ટીએ જાહેર કર્યું પોસ્ટર

સિંઘમ ફ્રેન્ચાઇઝીની ત્રીજી ફિલ્મ 'સિંઘમ અગેઇન' દિવાળીના અવસર પર સિનેમાઘરોમાં રિલીઝ થશે. મેકર્સ દ્વારા આ વાતની પુષ્ટિ કરવામાં આવી છે.'સિંઘમ અગેઈન' ફિલ્મમાં રોહિત શેટ્ટીની કોપ યુનિવર્સના ત્રણેય હીરો અક્ષય કુમાર, અજય દેવગન અને રણવીર સિંહ સાથે જોવા મળશે.

આ ફિલ્મમાં કરીના કપૂર અને દીપિકા પાદુકોણ પણ જોવા મળશે. અર્જુન કપૂર વિલનની ભૂમિકામાં છે.રોહિત શેટ્ટીએ પોસ્ટ સાથે કેપ્શનમાં લખ્યું- સિંહ આતંક મચાવે છે, ઘાયલ સિંહ વિનાશનું કારણ બને છે! આ દિવાળીએ થિયેટરોમાં ફરી મળીશું..