સુરત : “મેચ ફિક્સિંગ” ફિલ્મનું પ્રી-રીલીઝ સ્ક્રિનિંગ યોજાયું, અભિનેતા મનોજ જોષી રહ્યા ઉપસ્થિત...

• ધ ગેમ બિહાઈન્ડ સેફ્રોન ટેરર પુસ્તક આધારિત ફિલ્મ મેચ ફિક્સિંગ

• “મેચ ફિક્સિંગ” ધ નેશન એટ સ્ટેકનું પ્રી-રીલીઝ સ્ક્રિનિંગ યોજાયું

• આ ફિલ્મ આગામી તા. 10 જાન્યુઆરી-2025ના રોજ થશે રીલીઝ

• બોલીવુડના જાણીતા ફિલ્મ અભિનેતા મનોજ જોષી રહ્યા ઉપસ્થિત

• ફિલ્મ નિર્દેશક પલ્લવી ગુર્જર સહિતના કલાકારોની પણ ઉપસ્થિતી

 આગામી તા. 10 જાન્યુઆરી-2025ના રોજ રીલીઝ થનારી ફિલ્મ “મેચ ફિક્સિંગ” ધ નેશન એટ સ્ટેકનું પ્રી-રીલીઝ સ્ક્રિનિંગનું સુરત ખાતે આયોજન કરવામાં આવ્યું હતું. જેમાં જાણીતા ફિલ્મ અભિનેતા મનોજ જોષી તેમજ ફિલ્મ નિર્દેશક પલ્લવી ગુર્જર સહિતના કલાકારો ઉપસ્થિત રહ્યા હતા.

'ધ ગેમ બિહાઈન્ડ સેફ્રોન ટેરર' પુસ્તક આધારિત ફિલ્મ “મેચ ફિક્સિંગ” ધ નેશન એટ સ્ટેક મુવીનું પ્રી-રીલીઝ સ્ક્રિનિંગ સુરત ખાતે જાણીતા ફિલ્મ અભિનેતા મનોજ જોષી તેમજ ફિલ્મ નિર્દેશક પલ્લવી ગુર્જર સહિતના કલાકારોની ઉપસ્થિતીમાં યોજાયું હતું. ફિલ્મના નિર્દેશક પલ્લવી ગુર્જરએ જણાવ્યુ હતું કે, આગામી તા. 10 જાન્યુઆરી-2025ના રોજ રીલીઝ થવા જઈ રહેલી મુવી “મેચ ફિક્સિંગ” ધ નેશન એટ સ્ટેક ફિલ્મ કે.એસ.ખટાના દ્વારા લખાયેલ પુસ્તક 'ધ ગેમ બિહાઈન્ડ સેફ્રોન ટેરર' પર આધારિત છે.

આ ફિલ્મ ભારતીય પ્રેક્ષકોને આજની દુનિયામાં સામાન્ય માણસની નજર સમક્ષ પડદા પાછળ શું થાય છે, તેનું સત્ય બતાવે છે. જેમાં કેવી રીતે રાજકારણ, વ્યક્તિગત લાભ, ધર્મ અને વિનાશ વચ્ચેની રેખાઓ ઝાંખી પડી ગઈ છે, તે સ્પષ્ટ દર્શાવાયુ છે.

આ ફિલ્મ એક તીવ્ર વિવેચન આપે છે કે, કેવી રીતે રાજકારણ અને સુરક્ષા વચ્ચેનું ખતરનાક આંતરછેદ દેશની સુખાકારી માટે જોખમી બની શકે છે. એટલું જ નહીં, 26/11 પછીની ઘટનાઓ અને તેની પાછળનું ષડયંત્ર, સમજોતા એક્સપ્રેસમાં બ્લાસ્ટનો મામલો જેવી ઘટના આ મુવીમાં બતાવામાં આવી છે.