‘ધ ડાયરી ઓફ મણિપુર’ ફિલ્મની જાહેરાત, રાજકુમાર રાવના મોટાભાઈ ફીલ્મથી કરશે ડેબ્યુ

'ન્યૂટન' અને 'સ્ત્રી 2' જેવી ફિલ્મોથી લોકપ્રિયતા મેળવનાર અભિનેતા રાજકુમાર રાવ બાદ હવે તેનો મોટો ભાઈ અમિત રાવ બોલિવૂડમાં ડેબ્યૂ કરી રહ્યો છે. તે ફિલ્મ ‘ધ ડાયરી ઓફ મણિપુર’માં મુખ્ય ભૂમિકા ભજવશે. તેની સાથે ભજન સમ્રાટ તરીકે પ્રખ્યાત અનુપ જલોટા પણ મહત્ત્વના રોલમાં હશે. અનુપે 'બિગ બોસ 12'માં આવીને પોતાની ઈમેજ બતાવી હતી.

હવે આ ફિલ્મમાં તે પોતાની અલગ સ્ટાઈલ બતાવશે. આ ફિલ્મનું નિર્દેશન સનોજ મિશ્રા કરી રહ્યા છે, જે હાલમાં જ 'ધ ડાયરી ઓફ વેસ્ટ બંગાળ' માટે સમાચારોમાં હતા.'ધ ડાયરી ઓફ વેસ્ટ બંગાળ'નો મામલો હજુ ઠંડો પડ્યો નથી. આ દરમિયાન સનોજ મિશ્રાએ 'ધ ડાયરી ઓફ મણિપુર' પર કામ શરૂ કર્યું છે. તેણે મુંબઈમાં પત્રકાર પરિષદમાં અનુભવ સિન્હા પર નિશાન સાધ્યું અને કહ્યું કે તે તેમના જેવી ડાબેરી વિચારસરણીની ફિલ્મો બનાવી શકે નહીં.