વનવાસ ફિલ્મને બોક્સ ઓફિસ પર ફિકો પ્રતિસાદ, પુષ્પા-2એ નુકશાન પહોંચાડ્યું !

'ગદર' અને 'ગદર 2' ના દિગ્દર્શકે નાના પાટેકર અને તેમના પુત્ર ઉત્કર્ષ શર્મા સાથે 'વનવાસ' બનાવી છે. 20 ડિસેમ્બરે રિલીઝ થયેલી આ ફિલ્મને ક્રિટિક્સ દ્વારા વખાણવામાં આવી હતી, પરંતુ દર્શકો આ ફિલ્મ જોવા નથી આવી રહ્યા.ફિલ્મે પહેલા દિવસે માત્ર 60 લાખ રૂપિયાની ઓપનિંગ લીધી હતી.

ફિલ્મની બીજા દિવસની કમાણી સાથે સંબંધિત પ્રાથમિક આંકડાઓ પણ સામે આવ્યા છે.ફિલ્મે પહેલા દિવસે 60 લાખ રૂપિયાનું કલેક્શન કર્યું હતું. બીજા દિવસે સાંજે 6:30 વાગ્યા સુધીમાં ફિલ્મની કમાણી 58 લાખ રૂપિયા સુધી પહોંચી ગઈ હતી. ફિલ્મની કુલ કમાણી 1.18 કરોડ રૂપિયા રહી છે.અલ્લુ અર્જુનની બ્લોકબસ્ટર ફિલ્મ 'પુષ્પા 2' પહેલેથી જ થિયેટરોમાં છે અને હજુ પણ દરરોજ ડબલ ડિજિટની કમાણી કરી રહી છે. તો દર્શકોએ પણ હોલીવુડની ફિલ્મ 'મુફાસા'માં પોતાનો રસ દાખવ્યો છે. 'મુફાસા'એ માત્ર બે દિવસમાં 19 કરોડ રૂપિયાનો આંકડો પાર કરી લીધો છે.આવી સ્થિતિમાં પ્રેક્ષકો પાસે વધુ પસંદગીઓ હોવાથી 'વનવાસ'ને નુકસાન થઈ રહ્યું હોય તેમ લાગી રહ્યું છે.