ભરૂચ: જંબુસરના કાવી ગામે 11 વર્ષીય બાળકી પર ધારીયા વડે હુમલો

ભરૂચના જંબુસર તાલુકાના કાવી ગામે રહેતા મહેન્દ્ર ગોહિલની 11 વર્ષય બાળકી જાનુ તેમના ફળિયામાં સાયકલ ચલાવી રહી હતી અને ત્યારબાદ તેણે સાયકલ તેના ઘરની બહાર મૂકી હતી આ દરમિયાન પાડોશમાં રહેતા અજીત ગોહિલ નામના યુવાને બાળકીને ફળિયામાં સાયકલ ન ચલાવવાનું કહી તેના પર ધારીયા વડે હુમલો કર્યો હતો. હુમલામાં બાળકી લોહી લુહાણ થઈ ગઈ હતી.બાળકીનો અવાજ સાંભળી તેના પિતા ઘરની બહાર દોડી આવ્યા હતા.હુમલામાં બાળકીને પગના ભાગે ગંભીર ઇજા પહોંચતા સારવાર અર્થે રેફરલ હોસ્પિટલ ખસેડવામાં આવી હતી.બનાવની જાણ થતાની સાથે જ કાવી પોલીસનો કાફલો ઘટના સ્થળે દોડી આવ્યો હતો અને બનાવ સંદર્ભે તપાસ શરૂ કરી છે