અંકલેશ્વર : કડકિયા કોલેજ નજીક અતિબિસ્માર માર્ગના પગકે ટેમ્પો પલટી મારી બાઈક પર પડ્યો, બાઈકચાલક ઇજાગ્રસ્ત

અંકલેશ્વર-હાંસોટ માર્ગ ઉપર ખાડાઓની ભરમાર જોવા મળી છે જેને પગલે અકસ્માતની ઘટનાઓ સામે આવી રહી છે.મોડી રાતે એક ટેમ્પો આ માર્ગ ઉપરથી પસાર થઈ રહયો હતો તે સમયે કડકિયા કોલેજ નજીક ખાડાને પગલે  થ્રી વ્હીલ ટેમ્પો પલ્ટી બાજુમાં ચાલતી બાઇક પર પડતા અકસ્માત સર્જાયો હતો. આ અકસ્માતમાં બાઇક ચાલક ઇજાગ્રસ્ત થયો હતો જેને સારવાર અર્થે ખસેડવામાં આવ્યો હતો. અંકલેશ્વરની કડકિયા કોલેજથી એશિયાડ નગર સુધીનો માર્ગ બદથી બદતર હાલતમાં થઈ ગયો છે ત્યારે આ માર્ગનું વહેલીતકે સમારકામ કરાવવામાં આવે એવી માંગ ઉઠી રહી છે.