અંકલેશ્વર: ક્રાઇમ બ્રાન્ચે મોબાઈલ સ્નેચિંગના ગુનામાં સંડોવાયેલ 2 રીઢા ચોરની કરી ધરપકડ, 3 ગુનાનો ભેદ ઉકેલાયો

પોલીસે આરોપી નિર્મલ રાજુ નિષાદ હાલ રહે, હરીકાકાની રૂમમાં ચાવજ તા-ભરૂચ અને અંકીત નોખેલાલ નિષાદ હાલ રહે, મીરાનગર સારંગપુર તા-અંક્લેશ્વરની કડક પૂછતાછ કરતા બન્ને આરોપીઓ મહિલાઓને ટાર્ગેટ કરી ચેઇન સ્નેચિંગના ગુનાને અંજામ આપતા હોવાની કબૂલાત કરી હતી.આરોપીઓ મોપેડ પર જતી મહિલાઓના પર્સ પણ ઝુંટવી લેતા હોવાનું બહાર આવ્યું છે.પોલીસે આરોપીઓ પાસેથી મોબાઈલ અને બાઈક મળી રૂ.70 હજારથી વધુનો મુદ્દામાલ કબ્જે કર્યો છે.હાલ આરોપીઓની ત્રણ ગુનામાં સંડોવણી બહાર આવી છે.