અંકલેશ્વર : GIDC પોલીસે ગુમ અથવા ચોરી થયેલ રૂ.3.51 લાખની કિંમતનો મુદ્દામાલ મૂળ માલિકોને પરત કર્યો

ભરૂચ જીલ્લા પોલીસ અધિક્ષક અક્ષયરાજ મકવાણા દ્વારા  CEIR પોર્ટલનો ઉપયોગ કરી ગુમ/ચોરી થયેલ મોબાઇલ ફોન બાઈક તેમજ અન્ય મુદ્દામાલ શોધી કાઢવા સૂચના આપવામાં આવી હતી જેના આધારે અંકલેશ્વર GIDC પોલીસ દ્વારા તપાસ શરૂ કરવામાં આવી હતી.પોલીસે કેન્દ્ર સરકારના સી.ઇ.આઈ.આર.પોર્ટલના માધ્યમથી ગુમ થઇ ગયેલ મોબાઇલ ફોન એકટીવ થયા હતા જેને સ્ટ્રેસ કરી મૂળ માલિકોને પરત કરવામાં આવ્યા છે.પોલીસે રૂ.1.22 લાખની કિંમતના 7 ફોન મૂળ માલિકોને પરત કરવામાં સફળતા મેળવી છે.આ સાથે જ ચોરી થયેલ 2 બાઇક અને કેમિકલ પાઉડર મળી રૂ.3.51 લાખનો મુદ્દામાલ મૂળ માલિકોને પરત કર્યો છે.અંકલેશ્વર જીઆઈડિસી પોલીસ દ્વારા વર્ષ 2025માં અત્યાર સુધી કુલ 9.40 લાખનો મુદ્દામાલ મૂળ માલિકોને પરત કર્યો છે.