અંકલેશ્વર : SOGની ટીમે નાર્કોટીકસના ગુનાના કુખ્યાત ઇસમના ઘરે વીજ ચેકીંગ હાથ ધર્યું, રૂ.74 હજારનો દંડ ફટકારાયો

ભરૂચ જિલ્લા પોલીસ અધિક્ષક અક્ષય રાજ મકવાણા તરફથી અસામાજીક તત્વો દ્વારા થતી ગેરકાયદેસર પ્રવૃતિ અટકાવી તેઓ વિરૂધ્ધ કાયદેસર કાર્યવાહી કરવા સુચના આપવામાં આવી હતી જે અંતર્ગત ભરૂચ એસ.ઓ.જી.ની ટીમે NDPSના ગુનામાં સંકળાયેલ અસામાજીક તત્વોનુ લીસ્ટ બનાવી  DGVCL કર્મચારીઓ સાથે વીજ કનેકશન ચેકીંગ કામગીરી હાથ ધરી હતી જેમા અંકલેશ્વર શહેર બી ડીવીઝન પોલીસ મથકના નાર્કોટીકસના 

ગુનામાં સંકળાયેલ આરોપીઓ પૈકી જગદિશ શેલાભાઇ ભરવાડ, રહે.૨૨, રચનાનગર, રાજપીપળા ચોકડી, અંકલેશ્વરના ઘરે ચેકીંગ હાથ ધર્યુ દરમ્યાન  વીજ જોડાણ ગેરકાયદેસર જણાઇ આવતા વીજ કંપની દ્વારા વીજ કનેકશન કાપી રૂ.૭૪,૫૦૦/- નો દંડ ફટકારવામાં આવ્યો હતો.પોલીસની કામગીરીના કારણે અસામાજિક તત્વોમાં ફફડાટ ફેલાયો છે.