ભરૂચ : નેત્રંગમાં 3 અને ઝઘડિયામાં 2 ઇંચ વરસાદ, આજે ઓરેન્જ એલર્ટ !

ભરૂચ શહેર અને જિલ્લામાં છેલ્લા કેટલાય દિવસોથી વરસાદી માહોલ જોવા મળી રહ્યો છે ત્યારે ઠેર ઠેર વરસાદ વરસી રહ્યો છે.

વિતેલા 24 કલાકમાં પણ ભરૂચ જિલ્લાના તમામ 9 તાલુકામાં સાર્વત્રિક વરસાદ નોંધાયો હતો. સૌથી વધુ વરસાદ નેત્રંગમાં 3 ઇંચ અને ઝઘડિયામાં 2 ઇંચ વરસાદ નોંધાયો હતો.

ભરૂચ જિલ્લામાં વર્ષેલ વરસાદના તાલુકાવાર આંકડા પર નજર કરીએ તો જંબુસરમાં 6 મી.મી. આમોદમાં 2માં મી.મી., વાગરામાં 3 મી.મી. ભરુચમાં 1 મી.મી. ઝઘડિયામાં 2 ઇંચ, અંકલેશ્વરમાં 3 મી.મી. હાંસોટમાં 6 મી.મી. વાલિયામાં 3 મી.મી. અને નેત્રંગમાં 3 ઇંચ વરસાદ ખાબક્યો હતો. આજે પણ હવામાન વિભાગ દ્વારા વરસાદનું ઓરેન્જ એલર્ટ આપવામાં આવ્યું છે ત્યારે વિવિધ વિસ્તારોમાં છુટા છવાયા સ્થળોએ વરસાદની આગાહી કરવામાં આવી છે.