ભરૂચ: આમોદ પોલીસે સમની ગામ નજીક કારમાં દારૂની મહેફિલ માણી રહેલ 4 ઇસમોની કરી અટકાયત

સમની ગામની સરહદે ઉભેલી એક ઇકો કારમાં કેટલાક લોકો દારૂની મહેફિલ માણી રહ્યા હતા. આમોદ પોલીસે ચોક્કસ માહિતી મળતા તાત્કાલિક કાર્યવાહી હાથ ધરી હતી.દરોડા દરમિયાન પોલીસે ચાર વ્યક્તિઓને ઝડપી પાડ્યા છે. ધરપકડ કરાયેલા ઈસમોમાં દિવ્યેશ ઠાકોર પરમાર,સુમિત નરેશ પરમાર,ભાવિક જયેશભાઈ રાવળ,મહેન્દ્રભાઈ નવીનભાઈ પરમારનો સમાવેશ થાય છે.પોલીસે સ્થળ પરથી દારૂની બોટલો જપ્ત કરી અને ચારેય આરોપીઓને આમોદ પોલીસ સ્ટેશન ખાતે લાવી પ્રોહિબિશન ગુનાની કાર્યવાહી શરૂ કરી છે.