ભરૂચ - અંકલેશ્વર - વાગરામાં 1-1 ઇંચ વરસાદ, ઠેર ઠેર પાણી ભરાવાની સમસ્યા

રાજ્ય પર બે બે સિસ્ટમ સક્રિય થતા ઠેર ઠેર વરસાદી માહોલ જોવા મળી રહ્યો છે ત્યારે ભરૂચ શહેર અને જિલ્લામાં પણ સાર્વત્રિક વરસાદ વરસ્યો હતો.

વિતેલા 24 કલાકમાં ભરૂચ જિલ્લાના તમામ 9 તાલુકામાં વરસાદ નોંધાયો હતો. ભરૂચ અંકલેશ્વર અને વાગરામાં એક એક ઇંચ વરસાદ નોંધાયો હતો. ધોધમાર વરસાદના કારણે રસ્તાઓ પર પાણી જ પાણી નજરે પડ્યા હતા. 

તો બીજી તરફ વાતાવરણમાં ઠંડક પ્રસરી હતી. માત્ર એક કલાકમાં વરસેલ ભારે વરસાદના પગલે ભરૂચ અંકલેશ્વરમાં વિવિધ સ્થળોએ વરસાદી પાણી ભરાવાની સમસ્યા ઊભી થઈ હતી શનિવારે સવારથી જ વાદળછાયા વાતાવરણ વચ્ચે ઝરમર વરસાદ વરસી રહ્યો છે.ભરૂચ જિલ્લામાં 9 તાલુકામાં વરસેલા વરસાદના તાલુકા વાર આંકડા પર નજર કરીએ તો જંબુસર 11 મી.મી. આમોદ 7 મી.મી.વાગરા 1 ઈંચ.ભરૂચ 1 ઇંચ.ઝઘડિયા 9 મી.મી.અંકલેશ્વર 1 ઇંચ,હાંસોટ 3 મી.મી.વાલિયા 10 મી.મી.અને નેત્રંગમાં 4 મી.મી.વરસાદ નોંધાયો હતો.