ભરૂચ: આરોગ્ય ધનવંતરી રથને 2 વર્ષ પૂર્ણ, અત્યાર  સુધી 95 હજાર OPD ઓપરેટ કરાય

ભરૂચ ભોલાવ આરોગ્ય ધનવંતરી રથને બે વર્ષ પૂર્ણ થતા ઉજવણી કરવામાં આવી હતી.આ બે વર્ષ દરમિયાન ધનવંતરી રથ દ્વારા 95  હજાર જેટલી ઓપીડી કરવામાં આવી છે.

author-image
By Connect Gujarat Desk in ભરૂચ સમાચાર
New Update

  • ભરૂચમાં કાર્યરત છે ધનવંતરી આરોગ્ય રથ

  • આરોગ્ય રથને બે વર્ષ થયાં પૂર્ણ

  • કર્મચારીઓએ કેક કટિંગ કરી ઉજવણી

  • 95 હજાર ઓપીડી ઓપરેટ કરાય

  • 10,000 ઇ નિર્માણ કાર્ડ કઢાયા 

ભરૂચમાં કાર્યરત આરોગ્ય ધનવંતરી રથને બે વર્ષ પૂર્ણ થતા ઉજવણી કરવામાં આવી હતી.આ બે વર્ષ દરમિયાન ધનવંતરી રથ દ્વારા 95  હજાર જેટલી ઓપીડી કરવામાં આવી છે. ગુજરાત બાંધકામ બોર્ડ અને  ઈએમઆરઆઈ ગ્રીન હેલ્થ સર્વિસ દ્વારા સંચાલિત ધનવંતરી આરોગ્ય રથ ભરૂચ સિવિલ અને ભરૂચ ભોલાવ આરોગ્ય રથને બે વર્ષ પૂર્ણ થતા બન્ને ધનવંતરી આરોગ્ય રથના સહ કર્મચારીઓ અને ધનવંતરી બોર્ડના પ્રોજેક્ટ મેનેજર કિંજલ પટેલ, પ્રોજેક્ટ કોર્ડીનેટર ચેતન જાદવ 108ના પ્રોગ્રામ મેનેજર ધવલ પારેખ સાથે રહીને કેક કાપીને ઉજવણી કરવામાં આવી હતી.
બાંધકામ સ્થળે શ્રમિક વસાહતો પર જઈને શ્રમિકોને નિશુલ્ક પ્રાથમિક આરોગ્ય સુવિધાઓ અને લેબોરેટરી ટેસ્ટ કરીને  લાભાર્થીઓને લાભ આપવામાં આવ્યો હતો. બન્ને આરોગ્ય રથ મળીને 95,000 જેવી ઓપીડી બે વર્ષમાં કરવામાં આવી છે.આરોગ્ય રથમાં  અને 10,000 ઇ નિર્માણ કાર્ડ પણ કાઢી આપવામાં આવ્યા છે ત્યારે ધવંતરી રથ શ્રમિકો માટે આશીર્વાદરૂપ સાબિત થઈ રહ્યો છે.
#Arogya Dhanvantari Rath #Arogya Rath Bharuch #Dhanvantari Arogya Rath #ધનવંતરી આરોગ્ય રથ
Related Articles
Read the Next Article

ભરૂચ: હાંસોટ પોલીસ મથકના પોલીસકર્મીઓની દારૂની મહેફિલનો વિડીયો વાયરલ, SPએ આપ્યા તપાસના આદેશ

હાંસોટ પોલીસ મથકમાં ફરજ બજાવતા કેટલાક પોલીસકર્મીઓ દારૂની મહેફીલ માણી રહ્યા હતા આ દરમિયાન તેઓનો કોઈએ વિડિયો ઉતારી સોશિયલ મીડિયામાં વાયરલ કર્યો

author-image
By Connect Gujarat Desk in ભરૂચ ગુજરાત
New Update
Bharuch Police Viral Video

ભરૂચના હાંસોટ પોલીસ મથકના પોલીસ કર્મીઓનો દારૂની મહેફિલનો વિડીયો સોશિયલ મીડિયામાં વાયરલ થતા ખળભળાટ મચી જવા પામ્યો છે. હાંસોટ પોલીસ મથકમાં ફરજ બજાવતા કેટલાક પોલીસકર્મીઓ દારૂની મહેફીલ માણી રહ્યા હતા આ દરમિયાન તેઓનો કોઈએ વિડિયો ઉતાર્યો હતો આ વિડીયો હાલ સોશિયલ મીડિયામાં વાયરલ થઈ ગયો છે જેમાં પોલીસકર્મીઓ ડાન્સ કરતા પણ નજરે પડી રહ્યા છે. વિડીયો વાયરલ થતાં ભરૂચ જિલ્લા પોલીસવડા મયુર ચાવડાએ તપાસના આદેશ આપ્યા છે.વાયરલ વીડિયોમાં હાંસોટ પોલીસ મથકના રાઇટર  હિતેશ પરમાર અને અન્ય પોલીસકર્મીઓ હોવાનું બહાર આવ્યું છે.

અત્રે ઉલ્લેખનીય છે કે ગતરોજ ભરૂચ હેડક્વાર્ટરમાં આવેલ વર્કશોપમાં બે પોલીસકર્મીઓ દારૂની મહેફીલ માણી રહ્યા હતા જેઓને ક્રાઈમ બ્રાન્ચે ઝડપી પાડ્યા હતા અને તેઓ વિરુદ્ધ પ્રોહીબિશન અંગેનો ગુનો દાખલ કરાવ્યો હતો ત્યારે ભરૂચમાં બે દિવસમાં પોલીસકર્મીઓની દારૂની મહેફિલના બે મામલા પ્રકાશમાં આવતા ખળભળાટ મચી જવા પામ્યો છે.
#Gujarat Police #Hansot Police Station #Hansot Police #Policemen Drinking Party #viral video #Bharuch Police