ભરૂચ : ક્રાઇમ બ્રાન્ચે ફિરદોશ પાર્કમાં મકાનમાંથી રૂ.4.48 લાખના સોનાના દાગીનાની ચોરીના મામલામાં 1 આરોપીની ગોધરાથી કરી ધરપકડ

ભરૂચ શહેર વિસ્તારમાં ફીરદોશ પાર્ક ખાતે એક મકાનમાં ઘરનો લોક તોડી ઘરમાં પ્રવેશ કરી કરી લાકડાના કબાટમાંથી રૂ.4.48 લાખની કિંમતના સોનાના દાગીનાની ચોરી કરી અજાણ્યા ઈસમો ફરાર થયા હતા જેની તપાસ ક્રાઇમ બ્રાન્ચે શરૂ કરતા ચોરીના બનાવના CCTV એનાલીસસ કરતાં જાણવા મળ્યુ હતું કે ચોરીના મામલામાં એક ફોરવ્હીલ ગાડી તથા ત્રણ ઇસમોની સંડોવણી છે.

જેમાં ઇરફાન અબ્દુલ રહીમ ફોદા,સાહીદ ઉર્ફે બાટલો મોહંમદ જમાલ શેખ તથા મુન્નાવર મામજી હોવાનું બહાર આવ્યું હતું.આ આરોપીઓ પૈકી સાહીદ ઉર્ફે બાટલો મોહંમદ જમાલ શેખની પોલીસે ગોધરા ખાતેથી ધરપકડ કરી હતી જ્યારે અન્ય 2 આરોપીઓને વોન્ટેડ જાહેર કરવામાં આવ્યા છે.