/connect-gujarat/media/media_files/OjROkvduiWA7bL7ICulp.png)
ભરૂચ જિલ્લા પંચાયતની કારોબારી સમિતિની બેઠક મળી હતી,જેમાં વિવિધ વિકાસલક્ષી કાર્યોને મંજુર કરવામાં આવ્યા હતા. ભરૂચ જિલ્લા પંચાયતની કારોબારી સમિતિની બેઠક જિલ્લા પંચાયતના સભાખંડ ખાતે મળી હતી. આ બેઠક સમિતિના ચેરમેન ધર્મેશ મિસ્ત્રીની અધ્યક્ષતામાં મળી હતી.
જેમાં તા. 29-02-2024’ના રોજ મળેલ ખાસ કારોબારી સમિતિની કાર્યવાહી નોંધ વાંચનમાં લઈ બહાલી આપવા સાથે જમીન મહેસુલ કાયદાની કલમ-73 એએ હેઠળ આવેલ કેસો અંગે નિર્ણય લેવામાં આવ્યા હતા. તે ઉપરાંત નર્મદા પાર્ક, ઝાડેશ્વર-ભરૂચ ખાતે “વાંચન વિહાર પ્રોજેક્ટ” અંતર્ગત ઓપન લાયબ્રેરી શરૂ કરવા તેમજ વિવિધ એક્ટિવિટી શરૂ કરવાનો નિર્ણય કરાયો હતો.
/connect-gujarat/media/media_files/hJ13JTajuXqYcLXEhfFy.png)
તેમજ નર્મદા નદી પરના જિલ્લા પંચાયત હસ્તકના કુલ 14 હોડીઘાટ પૈકીના બાકી રહેતા 6 હોડીઘાટની હરાજી કરવા બાબતે ઠરાવ કરાયો હતો. કારોબારી બેઠકમાં ચેરમેન ઉપરાંત પૂર્વ પ્રમુખ અલ્પાબેન તેમજ મોટી સંખ્યામાં સભ્યો ઉપસ્થિત રહ્યા હતા.