ભરૂચ : વન વિભાગ દ્વારા વાઇલ્ડલાઇફ ફોટોગ્રાફી એક્ઝિબિશનનો પ્રારંભ કરાયો, 5 ઓટોબર સુધી લાભ લઇ શકાશે

સામાજિક વનીકરણ વિભાગ, ભરૂચ દ્નારા નવસારી કૃષિ યુનિવર્સિટી, ભરૂચ ખાતે વન્યપ્રાણી સપ્તાહ ૨૦૨૫ અંતર્ગત વન્યપ્રાણી ફોટો એક્ઝિબિશન કાર્યક્રમનું ભરૂચના ધારાસભ્ય રમેશ મિસ્ત્રીના અધ્યક્ષસ્થાને આયોજન કરવામાં આવ્યું હતું.જિલ્લાકક્ષા વન્યપ્રાણી સપ્તાહ-૨૦૨૫ની ઉજવણી દરમ્યાન ભરૂચ જિલ્લાના વન્યપ્રાણી ફોટોગ્રાફર્સ દ્વારા લીધેલ ફોટોગ્રાફ્સ પ્રદર્શન માટે મુકવામાં આવ્યું  છે. આ પ્રદર્શની તા-૦૩/૧૦/૨૦૨૫ થી ૦૫/૧૦/૨૦૨૫ સુધી સવારે ૧૦.૦૦ થી ૫.૦૦ કલાક સુધી જાહેર જનતા માટે ખુલ્લી રાખવામાં આવશે. જેથી જાહેર જનતાને મુલાકાત લેવા અપીલ કરવામાં આવી હતી. 

આ પ્રસંગે કલેકટર ગૌરાંગ મકવાણા, ડી.એફ.ઓ.ભાવના દેસાઈ કૃષિ કોલેજના પ્રિન્સિપલ  ડી. ડી. પટેલ, શિક્ષણાધિકારી સ્વાતિબા રાઓલ સહિતના અધિકારીઓ અને આમંત્રીતો ઉપસ્થિત રહ્યા હતા