ભરૂચ: પૂર્વ MLA દુષ્યંત પટેલે પાંજરાપોળમાં ગૌ પૂજન કરી જન્મદિવસની કરી ઉજવણી

ભરૂચના પૂર્વ ધારાસભ્ય અને સંઘ પ્રદેશ દીવ-દમણ ભાજપના પ્રભારી દુષ્યંત પટેલે ગૌ માતાનું પૂજન દ્વારા જન્મદિવસની ઉજવણી કરી હતી. ભરૂચ વિધાનસભાના પૂર્વ ધારાસભ્ય અને દિવ દમણ ભાજપના પ્રભારી દુષ્યંત પટેલના જન્મદિવસની ઉજવણી પાર્ટીના કાર્યકરો અને હોદ્દેદારો દ્વારા કરવામાં આવી હતી.

પૂર્વ ધારાસભ્ય દુષ્યંત પટેલ દ્વારા ભરૂચના જે.બી મોદી પાર્ક નજીક આવેલા પાંજરાપોળ ખાતે મુંગા પશુઓને ઘાસ ચારો ખવડાવી ગૌ માતાનું પૂજન-અર્ચન કરવામાં આવ્યું હતું અને કાર્યકરો અને શુભચિંતકો સાથે મળી જન્મદિવસની ઉજવણી કરવામાં આવી હતી.સાથે જ બાળકો સાથે કેક કટિંગ પણ કરવામાં આવ્યું હતું.

આ પ્રસંગે ભરૂચ જિલ્લા ભાજપ પ્રમુખ પ્રકાશ મોદી, ભરૂચ પાલીકાના પૂર્વ પ્રમુખ અમિત ચાવડા, સુરભીબેન તમાકુવાલા,

જીગ્નેશ મિસ્ત્રી તેમજ  ભાજપના કાર્યકરો અને શુભચિંતકો ઉપસ્થિત રહ્યા હતા.આ પ્રસંગે પૂર્વ ધારાસભ્ય દુષ્યંત પટેલે શહેરની જનતાને અપીલ કરી હતી કે દરેક વ્યક્તિએ પોતાના ઘરે થનાર શુભ પ્રસંગોમાં  પાંજરાપોળ ખાતે ગૌ માતાનું પૂજન અર્ચન કરવું જોઈએ. જેથી આવનાર પેઢીમાં આપણી સંસ્કૃતિનું એમના જીવનમાં સિંચન થાય